 |
منتديات مجلة أقلام
(http://montada.aklaam.net/index.php)
- منتــدى الزجل والشــعر العــامي والنبـطي
(http://montada.aklaam.net/forumdisplay.php?f=7)
- - عيار و فلت للشاعرمحمدأسامةالبهائي
(http://montada.aklaam.net/showthread.php?t=11889)
عيار و فلت للشاعرمحمدأسامةالبهائي
عيار و فلت ****** عيار و فلت وناس اتعمت والزيف الزيف عرق الصيف طالع طافح فوق الجلد ومش هاتغير شئ بالعند رضعت رضعت كل الولد و نطقت ، حبت نومه وقومه ياشعوب نمت كيف خلقك أنتمت (*) الخل يخاوى وزى الحاوى عايز يلعب ع الونجين لما تصاحبه يشرب دمك مش مدارى وتحت العين دميه تحرك وبألاعيبه وشايف شايف نقصه وعيبه زى اللون الفالصو رخيص و لا بيليـقش فى أى قميص ناقص نقص ، وع الخلق بهت عيار و فلت وناس اتعمت (**) المساحيق فى الهدمه تنضف ربى ساترها ، قدر ، لطف رزق غلابه وبيتخطف والميزانيه جالها صداع تعيا وتمرض حقك ضاع تركب راسك فيه أوضاع شدة ودن ، وقطع صباع مين هايرد العمر ان ضاع صحه وولت ضايعه انتهت عيار و فلت وناس اتعمت (***) حب القلب الخالى يجوز تحت العصمه مش هايجوز تبقى شايفها صبيه بداره وتشبط فيها وأنت عجوز مش هايوافقك غير ديوس واللى بيخطف حرمة جووز عابث ، يعنى : قول أراجوز ناقص نقص وع الخلق بهت عيار و فلت وناس اتعمت (****) الناس فى الشارع مش جلاليب لما تشعلل نارها لهيب حتى النمله بقى لها دبيب والناس متحاصره بالمحاسيب واللى بيمسك مش هايسيب غيط الشهد أتسرق ، ياغريب والقمحه كالها الديب ، وعجيب الجرح المؤلم كيف يتلم والألم ان طوول بعده رهيب وأنت نازل فعصك بالمحاسيب مش لاقى لوصلك سبب ياأبت ناقص نقص وع الخلق بهت عيار و فلت وناس اتعمت والزيف الزيف عرق الصيف طالع طافح فوق الجلد ومش هاتغير شئ بالعند رضعت رضعت كل الولد و نطقت ، حبت نومه وقومه ياشعوب نمت كيف خلقك أنتمت *************** بالعامية المصرية الشاعر محمدأسامةالبهائي |
مشاركة: عيار و فلت للشاعرمحمدأسامةالبهائي
أخي محمد اسامه ...شكرا لك على هذه المجموعة من القصائد الجميلة ....فكل مقطوعة منها تصلح ان تكون قصيدة منفصلة ...دام إبداعك ..ومرحبا بك
|
مشاركة: عيار و فلت للشاعرمحمدأسامةالبهائي
جميلة ورائعة أخي محمد
لطالما تعجبت من قدرة إخواننا المصريين على تحويل الكلام العادي إلى قصائد وأغنيات أحسنت والله |
مشاركة: عيار و فلت للشاعرمحمدأسامةالبهائي
حلوة \ جميلة ومحسوسة
ياولاد مصر المحروسة باحترام محمد عيسى الرويضي |
| الساعة الآن 10:48 AM. |
Powered by vBulletin® Version 3.8.3
Copyright ©2000 - 2026, Jelsoft Enterprises Ltd.
جميع المواضيع والردود المنشورة في أقلام لا تعبر إلا عن آراء أصحابها فقط