محمد الرويضي 21-04-2007 08:11 PM طارق...   حدث قبل عشرون عام.... من القدس كانوا....وبها دفنوا... الى روح الشهيد طارق ابو عرفة ورفاقه الاسم الثاني لاولاد القدس.... طارق.... ما انذكر عنهم ولا حتى بدعايه.... ما انكتب عنهم ولا حتى خبر... ما قدر يعرف حدا ايش الحكايه... كان الريح حملتهم صوب القمر... كانو ثلاثة...اربعة... خمسة عشر... سر اندفن يا خوي من رشة مطر.... الله ستر خطواتهم... بغيم من كانون... كان الشتا يا خوي.. اتنعشر شهر... حكمت وراهم صب... تا شاب الرضيع... وما انكشع الغيم .. تا ذاب الاثر... كانو على صور القدس... زي الطيور.. واتمرمغو بوديانها .....وركبو عالشجر.. حبو سماها / ابوابها / اثوابها .... صلو ورا شيابها .. ب محرابها.. اتلمسوا حيطانها / لبسو غزل خيطانها... غنو الحجر.. كنو وتر... احلى نغم... لحن الحجر.. اتلثمو / ما اتعلثمو / واتزنروا / واتغندروا... بمقلاع يا محلى الصور... وكبروا على صدر القدس وادموعها... وكبروا على صدر القدس وادموعها... ومن كل حارة لون... سماها وعبر.. لا حزب الهم..ولا تنظيم.. الله هداهم ... كيف..؟ هاي وجهة نظر... بعد الفجر.... ذاع الخبر... قالوا اشتباك... قالوا كمين... قالوا رصاص... يوصل لمين...؟ ذاع الخبر.. طارق معاهم وانتشر... روحو عسل / دمو غسل... ارض اللي حبها وانتظر... خلص الحكي... ذاع الخبر / طارق معاهم يا بشر... ما انذكر عنهم ولا حتى بدعايه.... ما انكتب عنهم ولا حتى خبر... ما قدر يعرف حدا ايش الحكايه... كان الريح حملتهم صوب القمر... طارق معاهم راح... كان الارض ما وسعت حنينو... وحب يسكن بالقدر... محمد عيسى الرويضي 02/02/2007 مهداة الى كل شهداء فلسطين.....

Powered by vBulletin® Version 3.8.3
Copyright ©2000 - 2026, Jelsoft Enterprises Ltd.
جميع المواضيع والردود المنشورة في أقلام لا تعبر إلا عن آراء أصحابها فقط