سولف....
 

ضحك طوال العقد الاول....
وتحدث في العقد الثاني....
بكى كل العقد الثالث......
وجاء الى العقد الرابع صامتا...
فقالت له:

سولف...:

احكي....سولف...
احكي .... سولف....

احكي سولفلي .... دخيلك
دخل براسي نمانم...
دوخ عيونك سهد...
آه لو تسولف...

بشتهي قولك حبيبي...
كل لحظة...
وبين لحظة...واخرى لحظة...
بشتهي انك تقول....

احكي عن صولات فارس....
جدل شعور الصبايا...
فوق هدب شبه ناعس...

احكي وادخل في مساماتي...
عن زمانك ... عل اتي...
احكي خربشلي حياتي..
بس احكي...

حول الصيف .. لعواصف..
والشتا خليه ناشف...
والسفرجل ما بذوقو ...
بعصرو بطرف الشفايف...
بس احكي...

احكي دوخني بكلامك...
انا ..... بسكر من كلامك

دغدغ جنوني بصوتك...بس سولف..
احكي رقصني عصوتك.. بس سولف..

على غره.. عن الصحره..
على داحس مع الغبره...
وكيف شيبوب اختفى ورا عنتر...
عن الزعتر...وهوى البحره...

احكي دخيلك...
صمتك يزلزل كياني...
احكي من شان الحلا...
اللي ارتمى...فوق المعاني..
احكي اي من شان الله...
لا تكون انت الاناني...

محمد الرويضي

مشاركة: سولف....
 

مشاركة: سولف....
 

مشاركة: سولف....