ما بتمناش ف عين تبكى
وانا باستعرض الحاله
ولا بيرضينى ايد ترسم
على الماساة ميتين هالة
انا رسالة لضمير معدوم
معدش بينتفض لحظة
انا الكلمة اللى بترادف ..ف اصل المعجم الغربة
وقبر ان يوم تشوف قلبه
حتتفزع ..
تموت رهبة
انا ف ايد الزمان لعبة
سنين أستجدى ف الايام
ويبدو سنينى مش حابة
زمان اصعب ما فيه ناسه
ضرب بالحلم عرض الحيط
لمح فلبى البرئ داسه
وعلمنى البكا ف الليل
كما الاغراب
ادق بشوقى مليون باب
ومين يفتح
ومين يقبل؟؟
يقابل رغبتى الساذجة
ولا يقولشى ف كلام يجرح
منا المهزوم باحلامى
انا المكسور لايامى..
ونفسى لثانيتين افرح
ابوس خد العفاف كله
واخرّج بعد اذن الله
ولد من صلبى يسندنى
يقف ف عزايا يترحم
على الاب اللى عاش يحلم
كتير يعنى ؟
حرام الدنيا يوم ترضى
يجوز مسجون ف طيف هاجس
يجوز ملعون ومش حاسس
برغم انى البرئ جدا
باموت من ظلم كل الناس
وبرضه باقول لهم شكرا