عكا بتظل عكا القلعة الحصينة = أحلى الشواطيء في أغلى مدينة
دخيلك يا أفكاري ساعديني = شاعر عربي أنا ! أصلي فلسطيني
دخيلك يا إمي من نهودك رضعيني = تقول الشعر وسلّي الحزينة
حب الوطن من حنانك علميني = اذا تقاعصت مرة لا تسامحيني
على اسوار القدس يخفق علمنا = في يوم النصر يا امي عانقيني

يا عكا فزي وقومي = اتحدي المحتل الفاسد
فؤاد حجازي وجمجومة = تحدوا حبل المشانق
فؤاد وقف وفز = بصمودك يا عكا اعتز
الشرانق تنسج للقز = تنسج للقز الشرانق
حيفا ويافا وبيت حانون = تصون المجد وتبني حصون
ولّي للأوطان يخون = مرته بتقله طالق
يا عكا شدّي الهمة = انخي ونادي ع الأمة
شعار تناضل بالكلمة = أبطال بتحفر للخنادق
ياعكا نادي يافا = ان تجمعنا نتصافى
ان اختلفنا ما نتجافا = منعرف سر الحقائق
تعالوا تناضل سوية = شباب مع ختيارية
بشرق فجر الحرية = من كبد الليل الغاسق
وتمرمرنا في غربتنا = عشرة يناموا في خيمتنا
القدس الحرة عاصمتنا = عليها نعلي للبيارق
يا عكا بدنا نفديك = ومن المستوطن منحميك
ان بنوا جدار ووضعوا شيك = لا يمكن نلقي البنادق