 |
منتديات مجلة أقلام
(http://montada.aklaam.net/index.php)
- منتــدى الزجل والشــعر العــامي والنبـطي
(http://montada.aklaam.net/forumdisplay.php?f=7)
- - استغماية الحق
(http://montada.aklaam.net/showthread.php?t=26635)
استغماية الحق
إهداء إلى الشاعر الكبير/الأستاذ ربيع عبد الرحمن
ملهمي لقصيدة ( استغمايةالحق) من واحنا كنا صغيرين الحق كان صاحب لنا ننده عليه يرجع لنا ويجيب لنا من اي ظالم حقنا الحق كان بيحبنا واحنا كمان حبيناه لعبنا معاه وغميناه من يومها واحنا بنندهه إرجع ياحق خلاص ياحق؟ يقول لنا لسه خلاويص ياحق؟ يقو لنا لسه لسه ولسه لمّا تااااااااااااااه أوي عننا الحق سابنا لظلمنا نظلم ونقتل بعضنا ونستخبى في جلدنا لكنه لسه في قلبنا عايش معانا كلنا ملامحه ساكنه في وشنا بننده عليه إرجع ياحق اطلع لنا الحق لا ماهوش عليك حقك علينا كلنا صَدقنا خوفنا وكدبنا ونسينا أنك حلمنا إرجع ياحق كفاك بقى واروينا من ُحب الشقى جنحاتنا غاويه زقزقه وسلامنا فجر الشقشقه إرجع بقى إرجع بقى! |
رد: استغماية الحق
وضاع الحق
أو بمعنى أدق تاه فى زحمة العصر ومتطلبات الحياة سلمت يداكِ |
رد: استغماية الحق
بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته تحية الاسلام الاستاذة الكبيرة وفاء امين جزاك الله جنة الفردوس الاعلى التي اعدت للمتقين ان كل مفردات ثقافتي لا تفيك حقك من الشكر والتقدير لك مني عاطر التحية واطيب المنى دمت بحفظ المولى |
رد: استغماية الحق
الله عليك يامشرقة ياشمس يحيها اللقا مين قدنا مين زينا فيكم بقا ع الحق نمشى ما ننحنى فينا الشقى فينا الغنى بحب مصر وبعشق مصر مبتلى الله عليك يا وفاء ياضحكة طايرة بالصفاء والود شال شاله على كمك وحط من هنا لحد العراق الله عليك الله عليك و نجول كمان الحق شجرة توت و نبوت و عمره ما يخش التابوت من عهد مينا لعهد توت الحق صامد زى حوت عمره ما يكون اخطبوط لا تقول لى عهد وعهد مين ضاعت حقوق الطيبين الحق حق و أنت فى ضياعك ياأمين ورهبتك من الديدبان و السجانين بتقول يارحمن يارحيم وأنت اللى ضايع بس الإيدين متسلسلين الحق ماشى على الطريق مستنى ندهه بصوا تشوفوه فى السنبلة و فى حضن نبقه قاعد فى عشة الفقير وهناك فى فيلة الامير وع الطريق بيراعى يم النخل مسكون بحرقه مستنى لمة مستنى همه و لامته هانسيبه فى حاله و احنا فى حالنا والضيقة واصلة للوريد و الدم .. معدتشى فارقه |
رد: استغماية الحق
اقتباس:
أخجلتني بتواضعك وكرمك ودعواتك الجميله أدامك الله علينا لنتبارك من نفحاتك الذكيه مرورك الطيب اسعدني وشرح صدري موده دائمهِ[/size] |
رد: استغماية الحق
اقتباس:
الحق لو ضاع يبقى لنا إيه؟ ومين ياحلوه ينده عليه؟ غيرك وغيرنا نغزله ونشتاق اليه! أشكر ألق مرورك موده تدوم |
رد: استغماية الحق
اقتباس:
الحق جي مع الربيع الحق نسمه للجميع بستان فرح للمظلومين التعبانين الشقيانيين ونجول كمان ؟ كلام الحق مالوش نهايه غيطان خضرا كما قلبك. الأستاذ الشاعر/ ربيع عبد الرحمن شفاك الله وعافاك من كل ظالم حقود كل المحبه |
رد: استغماية الحق
الله عليكي وعلى كلامك على فكرة الحق فعلا مستني اللي ياخدو ....تسلمي ويسلم قلمك ومزيدا من الكلام الجميل تقبلي مرووووري.....
|
رد: استغماية الحق
الأخت وفاء
جميلة هذه الإشراقات .. وسأعلق ببعض ما أسعفتني به مشاعري .. الحق احنا اللي دسناه وبرجلين فرمناه دلوقتي ممكن ننادى يا حق يا حق .. يا حق هتسمع لينا وترق والا احنا بنادي في غابة كلها ديابة سعرانه ونصابه وبرضه بتقول حق الحق زمان توهناه غمناه دلوقتي عايزينه يرق الحق في زمانا بقه فتوه يملك المال والقوه والا يقول لأ يا ويله .. يا ويله من الحق مع تحياتي لك |
رد: استغماية الحق
للحق حكاية ورواية
أصحابه كانوا معاه واقفين ولما جاهم الظلم يشد إيدهم تركوا الحق ونسيوه صار الظلم سلاحهم وسندهم وصار الحق عدوهم و احنا صغيرين كنا نسمع إنه حقنا ضاع ولماكبرنا أوي كده عرفنا إنو إحنا سبب الضياع ................... عزيزتي المشرقة دائما وفاء الى الآن لم اقرأ لك الا كل ما يستحق الالتفات والتقدير في الحقيقة الحديث في الحق هزني فاعذري مداخلتي المتواضعة امتناني لحرفك |
رد: استغماية الحق
عائشه بن جوديه
محمد عبد الحكيم كليب عبير هاشم الله على الحق اللي جابكم وشدكم لحلمُه.. خدكم بينا حندور عليه يمكن فى يوم نلقى عينيه بتجاوبنا عالسؤال وتمسح الدمع اللي سال |
رد: استغماية الحق
اقتباس:
الحق ينتظر القوه ونحن ننتظره أن يأتي إلينا على صفحه من ذهب!! كوني هنا دائماً معنا |
| الساعة الآن 07:11 PM. |
Powered by vBulletin® Version 3.8.3
Copyright ©2000 - 2026, Jelsoft Enterprises Ltd.
جميع المواضيع والردود المنشورة في أقلام لا تعبر إلا عن آراء أصحابها فقط