(زفه ابويا)
 

فرح ابويا النهارده
وامى لسه مصره
تروح الزفه وتشيلنى


غلبت دموعها الحزينه
واتجملت بالزينه
وتبص عايزه تكلمنى

وتحت الرايات المحطوطة
اللي في شارعنا موجودة
تستقبل التهاني
واحد ورا التانى
وبدمعه مخلوطة بزغروطه
وبسمه رغم الحزن مولودة

كله للعريس مستنى

وصل العريس متشال
شق كحل الليل هلال
بتوبه الابيض الزاهى
قمر وامير الجمال

عصفور وبلبل بيغنى

استنى يا ابا خدنى
مين بعدك يوعدنى
بيعشه وناس عايشين
قولى ياابا مين
اخرج كلمنى
قهر القسى علمنى

انا ابن الشهيد بغنى
ولولا صغر سنى
حقك كان بايدى
ولاكنت يوم مستنى

وفى زفتك ماشين
طلقوا النار
قالوا ارهابين
ولجسمى الضعيف اختار
أصله حان الحين

خدني ياابا معاك وحشتنى
انت ليه من اصله سبتنى
ده انا شهرين يادوب عمري
مافارقتش دراع امى

رد: (زفه ابويا)
 

لك الله ايها الصغير ..لا اعلم كيف فرت الدمعة من مقلتي لتستقر حارة على خدي محرقة حرقة قلب هذا الصغير وحرقة ملايين من عاشوا نفس سيناريو حياته اللهم اجل عنا هذا العناء ..سلم قلمك اخي وسلمت ومزيدا من الكتابة ..تقبل مروري..
عائشة.

رد: (زفه ابويا)
 

الموضوع زاد تألق بردك الجميل اللى فاق الاحساس اللى موجود فى القصيده
واشكرك على المرور الجميل ده يا عائشه ولهم الله ومن غير الله لهم