مسعدالنحلة 02-06-2011 01:00 PM إش جاب لجــــاب   ــــ ــــ ــــ ــــ ــــ ــــ ــــ ــــ إش جــــاب لجــــاب ـــــــــــــــــــــــــــــــ لو ف يوم رحت ورأيت الحاله إيه جُوَّا السجُـــون لو أمرت بزيل عفنـــها وتندهِن وبأي لـــــــــــون تبقى صالحه للبشر وآهو كـُله من ضِمـن الديـُّـون كـُنت هتكون النهارده ف راحه لمـَّا بقِيت زبُـــون واللا لازم مين يعيش في السجن يبقى من الكلاب ــــــــــــــــــــ لو راضيت يوم زمِّتك ونصَفت كل المظلوميــــن أو راعيت حال أمِّتك لمـَّا كان قـُطـْران وطيـــــن لمـَّا كـُنت ف بُرج عاجي وهِيَّ في مسكن مُهيــن لو ما كنتش ع البلد دي زي خاين موش أميـــــن كان ما يحتاجش الميدان يبقى مليان بالشبــــــاب ـــــــــــــــــــــ لو راعيت حَبَّه الفقير واديتـُه شيئ م الاهتمــــام عيشته تبقى كويِّسه بالاعتنا مش بالكـــــــــــلام ياكل اللقمــه الهنيَّــه وبعدها يعــرف ينـــــــــام لو عملت بحُسن نيَّــه وسبتنا نعيش في السـلام كلنا هنخاف عليك من حتى لو كلمة عِتــــــاب ــــــــــــــــــــ لو جمعت لصوص بلدنا ف سجن واحد من زمان واللي كــــان منهم بيلعب بينــــا زى البهلــــــوان أو وزير نصَّاب حرامــي ومتـِّفِق ويَّـا الشيطـــان أو مُحافظ في المحافظه له عصابه في الديــــوان كنا نقدر نبنـــي حالنــــا قبل ما يعُّم الخـَـــــــراب ــــــــــــــــــــ لو يا حسني كنت حجِّمت الوليَّه امو العيـــــــــال أو سألت ف مرَّه عن مبلغ رصيد ابنك جَمــــــال أو منين يقدر علاء يبقىَ شريك في رأس مـــال شركه فيها المليارات حاجه ضرْب من الخيـال النهارد كنت تبقى بعيد وعن أى ارتيــــــــــاب ــــــــــــــــــــ ليــــه نسيت ان المواطن هُوَّ مـالِك للوطـــــــن لمـَّا أهملته وسبته ف عيشـَــه صعب بينطحَـــن بـِعْتـُه في المصنع بسعر وكان أقــل من المَكـَـن واللصوص سرقِت رغيفـُه عيني عينك في العلن يعني عاش أيـَّـام خطر في وسط شله من الدِيَّاب ــــــــــــــــــ كنت تقدر بعد حكمك فتره واحده تـِنسِحِــــــــب كان لقـَىَ التاريخ ف حقك كلمه حلوه تِنـْكِتِـــــب ليه تسيب نفسك رئيس دايِّـم لحَــد ما تِنـْضِــرب كل دا علشان هتنهب مليارات ما بتِنـْحِسِـــــــب دا التاريخ علشان يسجِّل بلوِّتك عاوز كِتــــــاب ــــــــــــــــــــ ليــه تسيـب مجلس مُوَّقر يرؤسُــه دايمًـا سُرور جه بتزوير في انتخاب وبطريق مفروش زهور والبقيِّـــه واللـي يدفع يبقى ليــه تصريح مُـــرور عُمرُهم ما اتجنـِّدوا ويقولوا أبطــال العُبـــــــور يعني كله كلام مزيَّف حتى لو نايِّــب وتـــــاب ـــــــــــــــــــــ واللا صفوت واللي كان في الأصل مسئول للدعاره يبقــي في الشـُورى مهندس كل تفصيل وبجـــــداره واللي ويَّاه برضو في المجلس دلاديل وبمهـــــــاره والمشــــاكل لمـَّا تكتر يدفنـُـــوا الروس في التـُراب ـــــــــــــــــــــ فيها إيه لو كنت خليت البلد ديموقراطيَّــــــــــــــه مش نهيبه أو سريقه أو جبايه أو وسِيَّــــــــــــــــه ليه تخلـِّي الحُــر فيها يكون ركوبه أو مَطيَّــــــــه ليه ما خلـِّتناشي دوله بالأصول رايتها عاليَّـــه كان زمانك تبقىَ خالد في التاريخ إسمَك مُهـاب ــــــــــــــــــــ لو حاولت تكون يا ريِّس زى ما يقـــول الكِتــاب راعي بيخــــاف ع الرعِيَّه والخلايِّق والـــــدواب دا الفاروق عُمره ما قال في الحق إلا وكان صواب واللي كانت دعوِّتـُه للـــرب دايمـًـا تـُسْتـَجَـــــــاب ــــــــــــــــــــ كان يا ريِّس عدلـُه دايمًا من آيات جت ف الكِتاب بس هنقول إيه بقىَ في حِكـْمتـُه .. إش جاب لجاب ـــــــــــــــــــــ ************

الساعة الآن 06:51 PM.

Powered by vBulletin® Version 3.8.3
Copyright ©2000 - 2026, Jelsoft Enterprises Ltd.
جميع المواضيع والردود المنشورة في أقلام لا تعبر إلا عن آراء أصحابها فقط