فـلسطين يا أرض الشهادة زغردي = وغني نشيدك هالحزين وردّدي
وعلّي غُناكِ واصدحي وعيدي النشيد = وقولي عتابا وأووف فيها روّدي
وابكي يا أرض العز عالمجد التليد = وجودي بدمعك يرتوي القلب الصدي
واسقي بعينك بالقبر دم الشهيد = واروي عظامه ينتعش جسمه الندي
لا صخر أرضك لا ولا لوزك سعيد = حتى الظلام يزول وانت تسعدي
دم الشهادة عالظلم أكبر شهيد = بكره بيوم الدين لازم تشهدي
اولادك ما كانوا يرتضوا عيش العبيد = ولا يرتضوا بالذل تحت المعتدي
أهون على ابنك يسجنه قيد وحديد = وانت على نبع الكرامه توردي
طفلك بمهده ما رضي يعرف شو عيد = إلا ما انت بثوب للسعادة تعيّدي
يمكن حجر بيد الطفل ظالم يِبيد = اضربي يا احجار لا تتردّدي
اوعك تِهابي الموت وتخافي وَعيد = لازم على رصاص العدا تتعودي
بنسقي تراب الأرض من دم الوريد = ونقول للأطيار تمّك غرّدي
حتى بقول الشعر أترنّم واعيد = وزوادتك بالفخر منّي تزوّدي
يا أرض فيها من الثمر تمر وحصيد = ثمرة دمانا للوطن رح تحصدي
يا بلاد الطهارة والقدس فيك مجيد = حتى تنولي العز ظلّي جاهدي
فلسطين يا جنة خلد بصحرا وبيد = ابنك شهيد ان رخص دمه إلك