[عبد القادر النجيلى]

نزيف سيّد
شعر/عبدالقادرالنجيلي
.....................................
كسّرت قيد مسجون
وانت اللي متقيّد.
قيدك جريح جواك
قيدك نزيف سيّد.
تركيبتك الرافضه
ذل الخضوع ؛ والخوف.
زرعت في مكنونك
بعد النظر ؛ والشوف
ماضي الحياه عيشته
ومازلت في الحاضر
واخطر ما فيك إنك
رافض حياة الزيف.
................................
فاقطع مسافاتك
وطير في حضن السما
فارد جناحاتك
وان قابلك الصيّاد
واجهه ولو كانت
في مواجهته حياتك..
يا ابو الضمير أبيض
والقلب فيك طيب
عايش في أوهامه
من إمتي كان الصيد
بيحب صيّاده.؟!!
.................................
جرحك غويط جوّاك
يستنزفه منك
وحصيرة الصيّاد
مفروده فوق دمك
وانت اللي مُستهدف
فاصنع أداواتك
واياك تخاف تهلك
ويضيع صدي صوتك
وحذار يا طاير
إنك ف يوم تغفل
وتطير علي موتك!!