[إبراهيم محمد شلبي]

بأقلام الفصاحة لقيت وفي نواديها = شاعر عزيز النفس عم يفتخر فيها
جينا لأهل الكرم نقصد حمى هالدار = نعلّي بيارق غُنا ترفرف بَعاليها
يا أبو تامر يا وفي يا مكرم الزوّار = يا ابن الأصل والجود والأخلاق حاميها
يا علم شعر انتشر كل الأرض دار = ملفلف فضا الدنيا وطايف نواحيها
يا نبع صافي وْهَني رقرق على الأحجار = يا بدر ضوّى الدجى ونوّر لياليها
يا نفس فيها الأدب ينضح غنا وشعار = شيخ الكتابة صرت سيّد أغانيها
يا أبو تامر أنا بأسف على اللّي صار = وصار الندم بالروح يقطع مجاريها
ما بدي إنه الزعل يشعل بصدرك نار = تحرق سطور الوِد وتذوّب حواشيها
بدي أنا بهالنظم يوصل عذر الصغار = واغلال موسم جَنى تعبّي خوابيها
حتى بيوم الفرح يرضوا علينا كبار = زرعوا جبال الأرض ووصلوا بواديها
يا أبو تامر للأدب تعطي علم وفكار = ونحنا شباب الأدب نطرق معانيها
ومن بعد هذا النظم يا سيّد الشعّار = يا ملك فوق العرش تؤمر علينا نطيع