[عائشة بن جودية]

في حارتنا واحنا صغيرين

في حارتنا واحنا صغيرين..

كنا بنلعب استغماية...

انا وولاد عمي وبنت الداية..

وابن الجزار..

وبنت بليدا الحرباية..

اللي ما كناش عارفين حكايتها..

واللي في يوم..

طلت من شباكها...

وقالت لبنتها..

ايه يا راشيل العفونة دي..

اطلعي وكفاية...

لعب ويا العرب المجاذيب..

اطلعي بسرعة ..

اغسلي ايدك من وساختهم..

وكفاية..

انتي بكرة...حتروحي بلدك..

لازم تبقي حرباية..عشان تلسعي كل اللي يقرب منك...

او من بلدك..

يلا يا بنتي...

اطلعي وكفاية..

تتعلمي غباوة العرب..

في حد في زمنا..

لسا بيلعب استغماية..

بصينا لها..خفنا منها..

والكل جرى على بيتو..

الا بنت الداية..

كانت اكبرنا..

حدفت شباك الحرباية بطوبة..

وصرخت في وشها..

طب انتي لو ست اطلعي من بلدنا..

بليدا خافت..

وما فتحتشي بقها بجواب..

فرحو العيال..والكل طلع من ثاني..

وحارتنا ..شعللت من ثاني..

ولعبنا استغماية..

انا وولاد عمي..

وابن الجزار..وبنت الداية..

مرة اجري وراهم..

ومرة يجرو ورايا..

تعبنا من اللعب..

طلع كل واحد على بيتو..

وفراسو فكرة ملياه..

احنا اخوات ولازم..

نفضل..

نلعب ونعيش ....

وعمرنا ما نقول ..الاخوة والصحوبية ما فيش....

عائشة.