[هيثم شحدة]

ألوو .. سيدنا الشيخ معايا؟

- ايوة يا إبني تفضل .. بس بسرعة ربنا يكرمك..

أنا من غزة يا سيدنا الشيخ وعاوز اسألك – ومش حاخد من وأتك كتير- حبيت أتحرى الشرع واسأل لو كنت مضطر إني آكل الميتة، إنت عارف الوضع عندنا حصار وحرب وتجويع.. أأدر؟

- لا حرج يا إبني في ذلك إنشاءالله.. لكن يجب أن تكون مضطرا.

الله يفتح عليك يا شيخ.. ممكن سؤال تاني؟

- تفضل يا إبني..

إنت عارف زروف الحصار عندنا في غزة…

- عارف عارف أول سؤالك إيه؟!

لي أخت خطيبها رافض يطلّقها وبنفس الوأت ممنوع هو ييجي هنا مش آدر عشان الحصار وانت عارف..

- يا إبني والله عارف كمّل سؤالك!!

سؤالي كان .. ممكن أطلّقها غيابي لاني عاوز أجوزها لواحد موجود هنا؟

- لا حرج في ذلك .. إذا كانت هي تريد ذلك..

بارك الله فيك يا شيخ.. ممكن سؤال تاني

- تفضل يا إبني!!

إبن عمي في المستشفى .. رجليه مقطوعين وايده الشمال مقطوعة كمان من أيام حرب غزة، ودماغه مهشمة وعايش تأريبا على الأجهزة، آلولنا في المستشفى إنه يسافر مصر يتعالج أو نشيل الأجهزة عنه، لإنه في غيره أولى بالعلاج، ثم إن حالته بايزة أصلا وميت إكلينيكيا .. إيه الحكم في نزع الأجهزة عنه؟

- والله يا إبني الشرع في الموضوع ده واضح جدا .. لا يحق أبدا لأي مخلوق كان تقرير مصير حياة إنسان .. لذلك الكلام ده حرام ثم حرام ثم حرام .. في حاجة تانية؟!!

بس لو ما تفكتش الأجهزة عنه يا سيدنا الشيخ حيموت غيره، وهو ميت ميت أساسا!!

- ميموت يا إبني .. إنت شايفني مسؤول عن اللي بيموتوا واللي بيتولدوا!!

طب ممكن سؤال والنبي أخير يا سيدنا الشيخ؟

- تفضل يا إبني!!!!!!!!!!!

بناء الجدار الفولاذي حرام ولا حلال ؟؟

- حلال طبعا، هو والعياز بالله عمل فاحش؟!! ده شيء يخص أمن المسلمين في مصر!!!

شكرا يا سيدنا الشيخ .. وجتك نيلة..

- ألت حاجة يا إبني؟!!

كنت بأول فتح الله علينا وعليك، ويجعل مصر بلد آمن.. السلام عليكو..

- بالسلامة يا إبني..

حامل الجركن
هيثم شحدة هديب
من الماء إلى الماء