اقتباس:
المشاركة الأصلية كتبت بواسطة مها ضرار
فى جرابك
ياللى مليت الحزن
فى جرابك
لما أنت عايز فرح
عالدنيا دى آيه جابك
عمال بتضحك ........... تضحك
و كأنك سعيد
و اللى يقربلك يشوف
دمعك على كتابك
مهموم بهم الوطن
و بهم أحبابك
تايه ما بين المحن
واقف على أعتابك
لا قدرت تدخل هنا
و لا الضنى سابك
ياللى صارعت الزمن
آدى الزمن صابك
مكتوب على جبهتك
راجع على ترابك
مهدوم جدار صحبتك
و الغربه أصحابك ....
أنا ليه بقوللك كده ؟
عايزك تعيش مره
تنبض كما الأفئده
مهما عانيت هجره
تسجد لرب الهدى
و تهد ّ ف عذابك
تلقى الأمان سكتك
تلقى الضلال سابك
و تدوق معانى الرضا
تتعز برحابك
أشعار / مها ضرار
|
قصيدة فى منتهى الروعة يامها
نسجت بشكل محترف
إحساسها صوفى مرهف
تحياتى