عود درة وحداني ف غيط كمون
متغرب زي ما قال الخال *
و لا عندي مَرَة و لا ليا عيال
و لا حد يقول : ازي الحال؟
و لا حد يقول : ربك في العون
عود درة وحداني ف غيط كمون
يا حزين افرح دا العمر ساعات
اضحك دي الضحكة قليل لو جات
هيفيدك ايه لو عمرك فات؟
هتعيش ميت، بالحيا مدفون
عود درة وحداني ف غيط كمون.
* الخال : عبد الرحمن الأبنودي,
صدر البيت الأول مقتبس من جوابات حراجي القط
عارفه يا مرتي الراجل في الغربه يشبه إيه .. ؟
عود دره وحداني .. في غيط كمون ..