[أحمد محمد حراز]

المشاركة الأصلية كتبت بواسطة أحمد الزيات

بسم الله الرحمن الرحيم
*****لما أنا أحلامك*****

-هذه القصيدة عبارة عن حديث مزدوج بين فتا و فتاة يريدان الزواج، سأرمز للفتا أو الشاب ب** و الفتاة ب*.
* لما أنا أحلامك و كيانك
خايف من إيه؟
و بتبعد ليه و أنا قدامك؟
خايف كده ليه؟

** خايف من حاجة اسمها شقة
خايف من مهر و من شبكة
و كلام أنا مقدرش عليه
اش فرش و اش عفش و مطبخ
و مطالب أكتر و تضحك
تلفزيون و الدش عليه!

* أنا وياك رح نبني حياتنا
مش مفروض أبدا قدامنا
نبدأ و احنا ملوك ف ملوك
أنا مهري عيزاه أخلاقك
و الشبكة حتكون أشواقك
ف وجدهم رح نحيى ملوك

** أنا مش عارف أقولك إيه
قلبك ده آه يا عيني عليه
بس يا ترى با با حيقول إيه؟!!!!!

* بابا حيقولك نفس كلامي
م أنا تربيته و ليه عرفاني
رباني إن رسول الله
قال أخلاقه و دينه يا غالي
أيوة بدينك إنت الغالي
أغلى من اللى فلوسه في جيبه
و لا دين عنده و لا بيهواني

** لو هوه كده..لو ده الموضوع
ده كلامك ده هوه المسموع
أنا من بكره حقابل بابا
و أطلب منه ايدك إنتِ
م أنا لو ألف الدنيا دِ يامه
مش رح ألاقي زيك إنتِ
أنا رح أشيلك جوه عيوني
تبقي حلالي و أبقى حلالِك
أنا مش ممكن أعيش من دونك
أنا رح أتعب أيوه عشانك

أحمد الزيات

السلام عليكم اخى الحبيب احمد باشا. قبل اى شئ اريد ان الفت انتباه الاقلاميين ان تلك القصيدة من نسج خيال الشاعر احمد الزيات اى انها لم تتخطى حاجز الخيال. ليت كل البنات كانت تلك التى غنت تلك القطعة الشعرية وليت كل الرجال ذلك "الغلبان" الذى سيدفع فاتورة الحب. عموما عمل جيد ياابو حميد
تحياتى وبالتوفيق ياابو حميد.
أحمد حراز"بيبرس"