[خضر أبو إسماعيل]

مرتْ سني وحلِتْ سني = وحدي كنتْ سهرانْ سايح بالدني
فكري بأرض الغربْ طايرْ بالسما = وجسمي بأرضْ الشرق ما شافْ شي هني
في لحظة وْداع السني ساح الفكر = حاكيتْ نفسي كيف ضايع هالعمرْ
والليل صار نْهار من هم الدني = وبعدي على شْبابيك قلبي بنتظرْ
في لحظة وْداع السني طلعْ القمرْ = يشرفْ عأحوال المحبة والبشرْ
والخلقْ كلنْ في هنا وحب وسرور = وحدي أنا سهران في همّ وكدرْ
يا عام يا رايحْ خدتْ قلبي معاك = فكري اشتغل وراحْ يركض من وراك
بلكي بِِحَصِّلْ طرفْ توبك يمسكو = تيوقفكْ لكن سبقتو في سراك
وقّفْ حزين وعادْ مالو من مجيرْ = غير الترجي والتمني والمسيرْ
ياربْ أحباب الدني صارو بْعادْ = كيف الوسيلي تانشوفن يا قديرْ
يا سني الجيتي انشالله تكوني هَنَا = تا يسعدْ الإنسان ويطيب الجنى
بلكي بيحكمنا شي شوية سَعد = تا نقول عقبى للمحبة والهنا