أول قصيدة أشارك بها...كلام كتير(تابع)

[حسام عادل]

عزيزي...لم أكمل القصيدة حتي لا تملون من طولها...ولكن لأجلك سأضعها هنا كاملة...

"كلام كتير"

عمال يقول في كلام فاضي
يقول أبويا وجدي فلان .
ده كان بجد مثال للخير
وخيره غرق كل مكان .
ويحكي عنهم ليل ونهار
من كتر مللي بقيت زهقان .
حكاية تملي ألف كتاب
وفيها من كل الالوان .
مجد وشرف وشجاعة وخير
لكن ده كله مر زمان .
والله لو تنسى ده كله
حتعيش في رحمة وراحة كمان .
اخلق لنفسك روح وكيان
مصنوع بايد واحد فنان .
فنان كبير عايش جواك
لكنه للتفكير عطشان .
سمعوني باتكلم قالوا
الدنيا حظ في ايد انسان .
عمر النجاح مايكون بالحظ
أو كلمة تقراها في فنجان .
او كنز تلقاه تحت الارض
مليان دهب او فيه مرجان .
لكن النجاح محتاج تفكير
تحط قدامك عنوان.
طريق اساسه ايمان بالله
تعيش في حب وخير وامان .
شمس الحقيقة ف دلوقتي
يحكيها صاحب احلى لسان .
ساعتها تلقى الدنيا بخير
ولاتلاقيش واحد زعلان .
تحياتي..

[عودة ابوخماش]

جميل جدا ما كتبت الان وضحت الفكرة,ليس الفتى من قال هذا ابي ولكن الفتى من قال ها انا ذا,لست خبيرا في النقد ولكنى استمتعت بما قرات هنا ,وارجو ان اقرأ لك الجديد
مع تمنياتى لك بالتوفيق والنجاح.

[حسام عادل]

أشكرك عزيزي...أسعدتني إطلالتك،،،وسأضع المزيد بإذن الله...تحياتي