أنا شاعر .. ودى بطاقتى

[محمد جاد الزغبي]

قالولى تعالى الانتخابات ..
وشارك فى اختيار الشعب
ضحكت وقلت شعبنا مات
وعمره ما ييجى غير بالضرب

لا فيه فلاح ولا عامل
ولا فيه صوت يقول الحق
ويرحم مصطفي كامل
ويرحم برضه قولة لأ

زمان قمنا مع الثوره
وقلنا عاش بطلنا جمال
أتارى الثوره كات فكره
وعايزه بس طولة بال

وتيجى منين .. خلاص راحت
على ايدين اللى عملوها
وبعد النصر أهى باظت
وضيعها اللى صنعوها

وقالوا ننتخب طيار
يطير بينا .. ويجري لفوق
فشد الحبل وحده وطار
وساب شعبه وراه مشنوق

أنا شاعر ومش قادر
أغنيلك مع الطبله
وأقول طيب وأقول حاضر
مع جماهير عاشت هبله
أنا شاعر ودى بطاقتى
وأصل الشعر فى الكلمه
وحعمل كل ما ف طاقتى
ولا يوم حمشي بالجزمه

وسجنك كله ما يكفي
عشان يحبس صدى صوتى
كفاية انت ومتخفي
بتقلق حتى فى سكوتى

مفيش مرة افتكرت الموت
ولا فكرت فى الآخره
حييجى اليوم ومش حيفوت
لأنه يوم ملوش بكره

وجرب مرة تسمعنا ..
دى كلمة حق يا صاحبي
وفكر مرة فى المعنى
دى كلمة وطالعة من قلبي


أنا نفسي فى رئيس فاهم ..
رئيس بيقدر المعروف
رئيس بيفوت وبيساهم
نقول عايزينه من غير خوف

[عيسى عدوي]

أخي محمد جاد ...أيها المبدع ..تفاءلوا بالخير تجدوه ...هذه مصر أرض الكنانة ...مهد الحضارة ..وقاهرة الفراعين ..وشعبها ..شعب عظيم ..صابر ...فاتقوا غضبة الحليم .....تحياتي لأبداعك ...

[محمد جاد الزغبي]

ليس هذا الكلام من بادرة يأس
بالعكس
انه كالحمم التى توقظ بوارد الصخر فتحيلها نارا

بارك الله فيك أستاذنا العدوى

[إياد حياتله]

أحسنت القول أخي محمد
وإن غدا لناظره قريب
تحيّاتي

[محمد جاد الزغبي]

بارك الله فيك أخى الكريم اياد
شكرا جزيلا

[حسن النوبي احمد]

بطاقتى انى شاعر وباقول عجبى
مقاسى فى بلدى من راسى لكعبى
وباقول ده التوريث بقى لينا سهم
صايب وايه العمل ياربى
وعجبى

زدنا يا اخ محمد جاد

[نايف ذوابه]

سلامات الأخ الحبيب محمد العزيز الغالي ..

بسيطة يا محمد تهرب من السياسي وتجي تمارس السياسة هنا .. ضبطتك ..

على كل حال المنطقة كلها في مخاض يا محمد وتنتظر التغيير .. ونسأل الله أن يكون تغييرا إيجابيا بالاتجاه الصحيح في مصر وفي كل عالمنا الإسلامي المبتلى .. أشد ساعات الليل ظلمة تلك هي التي تسبق انبلاج الفجر ... على المخلصين أن يضخوا الوعي ويبثوه حتى يتقد الجمر ويشتعل الغضب..

أنا مجرد زائر مررت وبالصدفة رأيت مشاركتك يا محمد الحبيب .. فأحببت أن أشاغب على من أحبه وأعتز به .. روح الله يسامحك ...

[محمد جاد الزغبي]

الأخ الحبيب الشاعر النوبي
بارك الله فيك أخى الكريم لمرورك المعطاء
شكرا جزيلا

[محمد جاد الزغبي]

أخى الحبيب نايف ذوابة
كم كنت أخشي زيارتك تلك يا رجل !!

فررت منك ولا فائدة من الفرار ما دام الأحبة جمعنى بهم الله من جديد بعد غياب

سلامات الأخ الحبيب محمد العزيز الغالي ..

أشعر بها والله سلاما من القلب لأنها طرقت صدرى مباشرة ..
سلمك الله من كل سوء يا أخى

بسيطة يا محمد تهرب من السياسي وتجي تمارس السياسة هنا .. ضبطتك ..

كان والله رغما عنى وما كنت متواجدا بالشبكة كلها طيلة الفترة السابقة

رجائي أن تسامحنى أنت والأخ سامر وهشام على ما خيبت به ظنكم
ولم أستطع الابتعاد بمجرد عودة الشبكة الى فأقلام صفحة رئيسية بالنسبة لى
ويكفي وجودكم بها أيها القدير

تقبل تحيتى