هـُوَّه دا وشِّي؟

[محمد نديم]

نلوم الناس والزمن والحكومات و غدر الأحباب ... وخيا نة الأصدقاء ... وقسوة الأعداء!!! ده كله جميل
في واحد فينا بص جواه وقال لنفسه (يمكن أكون أنا السبب؟)

	هـُوَّه دا وِشِّي؟ هو دا وشي؟ أنا مستغرب!!! يمكن تضحك ولا تقولي أكيد مجنون لو قلت لك أنا معرفتوش هو دا وشي بيضحك ليا؟ والا ده قشرة خفيفة بتخفي وراها الحية؟ وانا فرحان بيا ومتهني إني جميل وعظيم مستني كل الناس تضرب سلام وانا واخد مقلب في سيادتي مخموم أوي فيها ومغشوش؟ مين الأصل ومين الوش وفين الرسم كمان طبعوه؟ اصلي بشوف الدنيا دي مولد جوة الزحمة بلاقي وشوش. حتى الغش كمان غشوه؟ لما نود غريب مش لينا ولما بنكره صوت أهالينا نبقا حاجات ما بقاش لها قيمة نبرم ع الشر ببريمة ونجري وراه متقولشي وحوش؟ بنده , بصرخ , فيكو , ياهووووه دبحوا الحب كمان وباعوه لازم ندخل جوا ضميرنا يعرف فينا الواحد نفسه يغسل وشه وعفشة قلبه ويطلع للناس كدة منفوش. يضوي بنور الحق كلامه ينشر بين الخلق سلامه يرمي الكلمة وما يهموش إحنا كلامنا ده نور من جوا حتى ولو غبي مفهمتوش. ولا نعرفش نغش وشوشنا ولا ننكرش عيوب جوانا ولا نملاش بالسحت كروش ولا نرسمش كلامنا خديعة ومانسببش ,لقلب ,فجيعة ولما يروح بسببنا ف داهية نهرب منه بكل ندالة ونقول دا احنا منعرفهوش كنا غلابة وكنا بنحلم لما النعمة تجينا حنعمل خير ولا يمكن ننسى خالقنا ولما الدنيا بقت ف ايدينا هـُب صبحنا نشم نفسنا وبقا بالذمة؟ أصول نتبطر؟ علشان ما طلع لنا خربوش؟ . قبل اللوم ع الناس وخيبتها نشوف بلوتنا قبل حسابنا الناس بالتيلة ندخل جوة نشوف دي النيلة عشش جوا ضميرنا سوادها ونشوف حل لشرخ قلوبنا وأكيد تبقا الدنيا جميلة وتحس العمر وأيامه وكأنك لسة ما عشتوش خدها نصيحة صريحة مريحة م الغلبان عمك حرفوش

[عيسى عدوي]

أخي محمد نديم .ايها المبدع الفنان ...أيها الحرفوش الجميل ...سعدت بتواجدك هنا كما سعدت بتواجدك في الموزون ....نرحب بك ونتمنى أن تطيب لك الأقامة ....عندنا ...لك من أخيك خالص المودة

[محمد نديم]

المشاركة الأصلية كتبت بواسطة عيسى عدوي

أخي محمد نديم .ايها المبدع الفنان ...أيها الحرفوش الجميل ...سعدت بتواجدك هنا كما سعدت بتواجدك في الموزون ....نرحب بك ونتمنى أن تطيب لك الأقامة ....عندنا ...لك من أخيك خالص المودة

ألأخي الحبيب وساتاذي الفاضل عيسى عدوي

أسكر لك تواجدك وتشجيعك وشهادتك.
سعدت بكم أيضا هنا.

محمد نديم.

[كفا الخضر]

خدها نصيحة صريحة مريحة
م الغلبان عمك حرفوش
***
ايها الحرفوش الطيب
نصيحة غاليه صيغت بفنية راقيه
تجمع الكثير في طيات حروفك
قلمك ايها الشاعر اداة عزف من نوع آخر
هي فقط لفتة ليت قلمك وأمثاله يستلم دفة الفن لننقذ ما تبقى ونستعيد بعض ملامحنا التي تمرغت بالفن الهابط
تحياتي لك

[إياد حياتله]

الأستاذ الشاعر محمد نديم
لعزفك المنفرد
على أوتار قلوبنا
وفي فضاءات أرواحنا
كل الحب والتحية
.
مرحبا بكم بيننا