..كلام والسلام../شعر/ جمعه محمد

[جمعه محمد يوسف]

سلام للبطل
سلام للهُمام
سلام للى هنجم
وفرقع وبرطم
وعدى حدود الادب ف الكلام
عمل تمثيليه
وقصه وقضيه
وقال بلدى حره
ودايما ابيه
بلاها المعونه
ويلعن ابونا
لو احنا اتحنينا
ولا يوم ركعنا
قصاد اللئام
يا محلا الكلام
وشد العزيمه
وقلت ايوا فعلاً
هيبقالنا قيمه
كفايه علينا
سنين الهزيمه
وليه احنا دايماً
تملى غنيمه
ودغدغ شعورى
حلمت إن بُكرا
هيرجعلى دورى
وغمضت عينى
ف احلا منام
وفجأه خزلنى
وقالى يا صاحبى
انا لسانى خانى
دا كان شغل سيما
ووطى بخطره
وباس القديمه
واعلنها توبه
وسلم قوام
يا محلا الكلام
سلام للميزان
سلام للفانوس
سلام للعداله
سلام للوزاره
وكل التيوس
وكل اللى وطى
عشان الفلوس
وتحيا شهامة
ضعاف النفوس
وخايف نفوق نلقى نفس الكابوس
وكل اللى ناخده
كلام والسلام
كلام والسلام

[مرام شهاب]

أحنا عملنا الي علينا
وتم أنجاز كل الصعب
وتركنا اللهجة القديمه
وعليك تكمل الدرب
في حجات ملهاش قيمه
وحجات تبكي القلب
كل يوم عايز تغير دوله
لا يا بني مبلاش لعب
خلينا نفضها بقى سيره
مش عيزين افلام رعب
تقدر تقولي المسئله وخيمه
بس اطلع منها ايه دى الغلب
هي الناس حتموت روحها كل يوم
وتترمل النساء وتسبح وتعوم
ومنلقيش بسوق لا لحمه ولا ثوم
وكل يوم عايز تغير دوله

ومعدشِ ينفع صوله وجوله
خلينا نستفتح ونقول يا كريم
مش مهم الفقر المهم نكون مخلصين
والخير جاي بالسكه ورح ناكل عنب وتين

بس

لما يكون الطور سنين
ويعود البلد يا خويه آمين
علشان انخلقنا بأحسن تقويم
وحذرك
انك رح ترجع ------------------------------

متصلي على النبي وخلينا فكرين

[مرام شهاب]

النظام انك تحدد وتقرر
بدون ما تردد ولا بعد التغير تاني تغير