عرس أقلامي/ عقبال المليون مشاركة

[د.عبدالرحمن أقرع]

	هلا بالشباااااااب.... أحلى شباب والله هلا وميت رِحِب وصلنا 100000 مشاركة في أقلام وعقبال المليون ...طبعا كلّه بجهد الشباب الطيبة ، وكرمال هالمناسبة الحلوة ، قررننا نعمل عرس أقلامي ...واللي ما بيشاركنا الفرحة إن شاء الله حاظرينه. وملزقين على جبينه Banned Member... طبعا يا شباب الذبايح على حساب عمكم أبو فراس..والرز البسمتي من عمكم أبو تامر من الرياض ...واللبن الجميد من عمكم أبو عبدالله من إربد...والتتن والتنباك من عمكم أبو عاطف...بس بدنا اياهن من المخيم عمي أبو عاطف ..عشان يكونوا ناقعات مليح ، ما بدنا اياهن من سكوتلندا...ولعيونكم مني احلى كنافة نابلسية ، وزيادة خير صابونة نابلسية عشان نغسل بعد المناسف ، والمزمزة قصب سكر من أخوكم هشام الشربيني. العرس يا شباب اسبوع من اليوم...وديروا بالكم من الحظر يلي ما بتشاركو...

ليالي الفرح هلّت منتدانا=تِلَملِمْ شِمِل مَن لَبوا نِدانااااا
ويَمَحلا الصيفْ في دِفؤهْ وْنَدانا=يِجَمِّعنا بَعِد طولِ الغِياااااااب

هلا باللي أجا أقلام يِسعى= لِنَيلِ العِلِم لَهُ في القَلْبْ وَسعَة
واذا الشيطان له من الشرّْ لَسعة=لنا حِرزِ المحبة من الشبااااب

بدنا نغني لأقلام =خلوا الردة قوية
مِن بَعِد ليلُ وظَلامْ=بْتِشرِق شمسِ الحرية

ياهلابَك يا هَلا=با هَلا بَكْ يا هَلا

يابو تامِر بِدنا رَدْ =يْرَقِص زهرِ البرِيِّة
بِدنا عتابا بْلا عَدْ=وجَفرا ودبكةِ شَعبيِّة

ياهلابَكْ يا هلا=يا هَلابَك يا هَلا

وينَكَ يا خيي إياد=يلَعلِع فينا موَّالكْ
نحيي في (الشعبي) أمجادْ=مَوَّتها والله غيابَكْ

يا هَلا بَك يا هَلا=ياهَلابَكْ يا هَلا

عين الحاسِد للأقلامِ=إبْلَمِّتْكُم مخزِيِّة
بِدنا نمشي لَلْأَمامُ=وْما نِتْذَكَّر أَسِيِّة

يا هَلابَك يا هَلا=ياهَلابَكْ يا هَلا

يلي زينتوا الصَّفْحاتْ=بالإبداعِ الأقلامي
ما فيكم الا صفات= نخوِة وعِزِّة وشَهامِة

ياهلابَك يا هلا=يا هلابك يا هَلا

عَلّي لي صوتِ اليَرغولُ=وحَمِّي عالأرضِ الدَّبكِة
وسمعني من أحلى قولْ= على نغماتِ الدِّربَكة

يا هَلابَك يا هَلا=يا هَلا بك يا هلا

[سليم إسحق]

السلام عليكم
كم سررت أن أكون اول من يلبي النداء تواقًا...عسى أن أنال رأس المنسف بالسمن البلدي المهراق...وأن أحظى بالكنافة والتتن وقصب السكر من إخواننا الذواق.
وعقبال المليون مشاركة من أقلاميينا االمهرة الحذاق.

[محمد الرويضي]

اوووف اوووف اوووف اوووف
نشيدي يا غزل مجدل ع لاصول
وصل لاقلام تحياتي ع لاصول
انا بميدانك اليوم لاجول و صول
واملي المنتدى نظم وطرب

ان شاالله نشوفكم في القدس يا حبابنا

لعيونك لفتح بيتين
شروقي ومعنى بوابو
ولسرح عظهور الخيل
مين الملم احبابو

محمد عيسى الرويضي

[كفا الخضر]

مرحبا دكتور عبد الرحمن
دوما تتحفنا بجديد افكارك وجميل ابداعك
سعدت بمروري هنا
ساكون من المتبعين لهذا الفرح الاقلامي الجميل

[عيسى عدوي]

اول ما نبدي ونقول = نصلي ع طه الرسول
وخلي الفكر الليله يصول = بسهرتنا الأقلامية
بدنا نحيي المجتمعين = اللي في الساحة سهرانين
ويا رب تيسر وتعين = وع حمل المسؤولية
صبوا لي كاسات الشاي = وخلو النعنع يمرق جاي
وصفوا الدبيكة ع حذاي = وخلوا الهمة قوية
صفوا ها الدبيكة صف = وحموالي سحجات الكف
وإنت يا نقار الدف = نقرح لي بالله شوية
بلادي زهرة الدنيا وعسلها = ياماحلى ورودها من فوق سلها
وإذا شفت الحمل ..قرب وسلها..= وذوق التين وقطوف العنب ....

[نايف ذوابه]

أهني وأبارك وأشد على أيادي المحتفين والمحتفلين بالألفية المائة لأقلام ...

ضروري شعراء وشاعرات أقلام ..!! يشاركوا في هالعرس ولا يكفي المتابعة ...

طول عمرهم أهل نابلس بضحكوا علينا نحن الفلاحين وبقولوا كرم فلاحين ... !!
بدنا نشوف الكرم النابلسي على أصوله .... يعني إخوتنا في نابلس تجار أصحاب ديبلوماسية وعلاقات عامة!!
أقترح نقل هالعرس لمنتدى الحوار العام ... هناك الحركة دائبة والنشاط وننتيح للأقلاميين أن يشاركوا ويعبروا عن مشاعرهم الأقلامية ...
على كل حال راح أضع الرابط هناك لتنشيط الموضوع وحتى يأخذ حقه من الاحتفاء...

[د.عبدالرحمن أقرع]

الأخ الفاضل أبو عبدالله....
محسوبك فلاح إبن فلاح إبن فلاحة...
غير ان الحبيبة نابلس هي مكان ولادتي ، ومكان عملي وإقامتي بين اناسها الطيبين ، وتاريخها العبق بكل جميلة
فهي المدينة التي تسكن قلبي قبل أن يسكنها جسدي - لذا اقتضى التنويه :d

[د.عبدالرحمن أقرع]

[/COLOR]bkimage="http://montada.aklaam.net/images/toolbox/backgrounds/7.gif" border="none,4," type=0 line=0 align=center use=ex num="0,black"]
على دلعونا على دلعونا=أقلامي صيته بيملأ الكونا
****=****
هب الشمالي وهبت نسايم= وعَ خدِّ الوَرِد الندى عايِم
يا أهل العرس ما في عَزايم= الفرح إلكم بْنِستَنا هونا
****=*****
على لَحْنِ الفَرَح لَنْشِد نَشيدي= وانزل عالدبكة واْناْ مالي إيدي
يَلّا يا عيسى جاوِب قصيدي= تنظل نغني على دلعونا
****=****
يسعد صباحك يابو عبدالله=نوَّرتِ العُرُس بحضورك والله
ويا كل الطاقم هَلا وحَيا الله= حموا اللي السحجة ليغني الكونا
***=***
يابو فِراسي زين الِرِفاقي= العُمُر بُخلُص والشُغُل باقي
إذا ما بتيجي ما بيجو الباقي= وما يتم الفرح ياْسمَر اللونا
****=****
على دلعونا وعلى دلعونا=غني ياْقلامي رَقِّص الكونا

الله يعطيهم العافية الشباب
لنا عودة

[عبد الهادي السايح]

هنيئا لأقلام وللأقلاميين هذا العرس الكبير وذاك النجاح الرائع
أما أنا فلا حظ لي في الشعر العامي وقد حاولت فما أفلحت
أقنع بالضيافة من أهل الضيافة وأرى أن 'الوعدة' كبيرة وأنواع الإكراميات كثيرة
لذا أبقى في المتابعة....

[إياد حياتله]

[د.عبدالرحمن أقرع]

أوووف...أووووووف..أوووف ...يااابا

إذا خلص الحِبِر لَكتُب بِدَمِّي=تَحيي ال ْطَلِّتُه بْخالي وِعَمِّي
ويا بوعاطِفْ فَرَحنا اليوم تَمّي=بْجَيتَك يالْوِلِفْ بَعدِ الغياااااب

ميجانا ويا ميجانا ويا ميجانا=يا محلا لَمِّتنا بِدارِ فْراحِنا

[سلمى رشيد]

صباح الورد والفل
ومبارك هذا العرس الأقلامي ويا رب يحماكم ويبعد عنكم شر اللي ما بشوفكم وما بصلي عالنبي ...عليه أفضل الصلاة .
بما أني لا استطيع كتابة الشعر أشارك اليوم في مقطع من أغنية فيروز خبطة قدمكم ،، ويا رب تبقى هدارة...


خبطة قدمكم عالارض هدارة
انتو الأحبة وانتو الصدارة

خبطة قدمكم عالارض مسموعة
خطوة العز وجبهة المربوعة
يا حلوة اللي عالحلا عم توعا
عندك العقد وايدك الاسوارة

طيري وخلي هالقلوب يطيرو
بلكي الهوا يبعد نواطيرو
يا صبح ورد وزقزقو عصافيرو
انتي الهوا يا نجمة الامارة

أخي د عبد الرحمن
من عندي الياسمين والورد الجوري للزينة ويسعد صباحكم يا رب
[IMG][/IMG]