وعد

[سعيد حامد شحاتة]

أوعدك وعـــــــــــــــــد المحب
المــــــــــــــــــالك الدنيا بايديه
وعــــــــــــــــد من داخل وريدى
اللى انتى ساكنة وعايشة فــيه
وعــــــــــد من قلبى اللى حبك
واللى عشتى وحبّتيـــــــــه
ان أنا هفضـــــــــل فى قلبك
وان أنا هفضل ماليــــــــــه
أوعدك إنى هحــــــــــــبك
وأنتى عارفه ازاى ولــــــيه
وانى لازم أعيش لحبك
وانى لازم اعيش عليه
أوعدك وأنا قلبى عارف
هوّا حابب فيكى ايه
وامتى كل الناس تبيعه
وامتى قلبك يشتريه
أوعدك وعد المحب
المالك الدنيا بايديه
انهم لو باعوا قلبى
عمرك انتى ما هتبعيه
وانهم لو بعتروه جوّا السكك
هتلملمـــــــــــــــــــــيه
وانهم لو كلهم رفضوه
اكيد هتأيديـــــــــــــــه
أوعدك وعد المحب
المالك الدنيا بايديه
إن انا ممكن عشانك
أرقّص العالم باليه