همسه

[صلاح هادي]

صلاح هادي
همسه

من بين العشرة والسحاب
اختاريت كلمتي الاخيرة
روحي قررت تفك الوثاق
وتسافر بلا حلم او ذكرى
شيح وجهك وابعد الشفة
ما بي حيل ارجع للاشتباك
بيدي ناي العمر والتذكرة
وما عادت تهمني الاشواق
ولا انفعالك ولا كلام الناس
ما اقدر اعذرك او اتحملك
صعب جدا اتقبلك وحضنك
مر كان الحب من بين اديك
ارجوك لا تذكرني اسكت
مجروح وماينفع اضمدني
وياريت ما تعبني وتستفزني
لاني مكسور وماظن تقدر تلمني
ارجوك ابتعد واحترم قراري
لاتقول احبك لاتحاول تعترض
لاني اشك فيك من قلبك الشفتك
ياعيني لاتعتبرني قاسي او جاحد
انا ياعمري اتألم ومصدوم فيك
راجع سنين حبنا وراجع كلامك
شوف كم مرة احرجتني وهملتني
وبكل مرة اعذرك وقول انا الغلطان
ولحتى ما اتعبك وتشعر اني اطعنك
خذ همسه مني :كلش احبك...........