بطــــــــــــــــــــــــــــــــــــــــــــــــ ولة

[سعيد حامد شحاتة]

اتبسمت بالزيف غناوى الكدابين والكدابات
واتهد سور الأسئة السارحة فى طيات السكات
والحلم ع السكة الورق زمر وفات
دقات بتقتل فى الندى
وناديت كتير على ضحكتك
لكن ما سمعتش الندا
وعنيكى رغم الحب دا ....
..... طلعت كدة
طيرة بتوجع فيا طعم الذكريات
وعرفت ايه الفرق بين وصف الملايكة والبنات
وعرفت ليه ((يوسف ))بطل
وعرفت ان اللى قبل هوا اللى مات
وعرفت ان الحب موجود بس
((جوا (( الغلبانين والغلبانات
ما عنيكى رغم الحب دا
طلعت كدة
وناديت كتير على ضحكتك
لكن ما سمعتش الندا
من وقتها
قلبى على السكة مشى
شال جوا أحلامه السبح
ولبس عباية الدروشة
*******
تحياتى /سعيد حامد شحاتة