تحشييييش

[راحيل الأيسر]

هل الحب مكعب
أم أن رؤوسكم هي المربعة ?!!

لكن الحقيقة الوحيدة الثابتة لدي
بما أنني بطول 150 سم
ووزن 150 كيلو
أنني أنتمي للمستطيل

وأن لدى البعض شعور شبه منحرف ..
وأن القمر دائري مكتمل يدعي
أنه هلال ناقص ..

وأن الشكل الوحيد المسيطر الآن على القلوب والأذهان
هو المثلث الأحمر المقلوب
يخزي العين ما أجمله
نمخمخ عليه آخر مخمخة
أصلا استبدلناه بمكعبات السكر
يحلي شاينا ونهارنا
ويعدل مزاجنا 🔻


نعود للسؤال هل الحب مكعب ؟
أظنه كذلك
وإلا لماذا اتفق الجميع على حب سبونح بوب
المربع الأصفر الجذاب ..
وللعلم المربع هو نفسه المعين
لكنه حين تربع على القلب صار مربعا ..
وسرحت كل مشاعرنا في مرابعه ..


آمل أن أكون قد أفدتكم ..😊✌️

[راحيل الأيسر]

حسيت اني جمل 🐪🐫
اذا حبيت / حبيت 😍😍
واذا حقدت
احقد 😤😤

ايش قلتووو ؟؟؟

إيوا احقد
ليش كاتبتلكم في هويتي ملاك أنا ؟؟ !!😇😇

أنا قلبي زي اللبن اللي اشربه
لكن كمان انا أحب التمر
ثمرة طيبة

بس لونها ؟؟!!! 🤔🤔

ايوا شبه لون قلبي لما يعوف احد..

إيش ؟؟؟
اخوِّف ؟؟؟ !!
أهو عاد ( بالحجازية )
ده الموجود ( بالمصري )
محد ضارب على ايدك تبقى معايا ..


الله يسهل ..

[راحيل الأيسر]

طيب آل أقلام
بما أنه المؤسس حرمنا من اسمه بين الموجودين

راح احطلكم اسمي يونسكم ..😅😅✌️


بالعادة اسجل خروج ، عشان أنا حساسة ولطيفة زيادة 😅☺️☺️😇
اخاف يكون حد راسل رسالة خاصة لطلب أو شرح أو توضيح
ويحسب اني حاضرة ، لكن ما رديت ..
أو يدرج موضوع جديد ، وما يحظى مني بتعليق رغم وجود اسمي بين الحاضرين ..


المهم القصة كلها مراعاة شديدة لخواطر إخوتي ..

لكن في ظل غياب الأحمر
راح أحمر لكم خانة الموجودين باسمي الجميل ☺️☺️


حتى والله اسم راحيل احلى من اسم ( بالي بالكم )

يااارب ما اروح ورا الشمس 🌞🌞🌞🔥🌞
يااارب
ياارب

[راحيل الأيسر]

من وحي رمضان :

كان نفسي لو قلبي للقسوة أقرب زي عجينة ( البُف )
لكنه للين أقرب زي عجينة البتزا
وأحيانا يسيح مرررة زي عجينة الزلابية




لكن بس أحقد
يصير شبه التميز اللي نسيه ( ذبيح الله أكبر ) في التنور ساعتين
عشان كان بيتضارب مع مفيطيح لما قاله
ايس في كلام
انت ما يفهم
أنا يقول شباتي
انت سوي ملبلب ..
انت في مخ ولا مافي ..


وبس ، ذبيح الله أكبر
ايده لحالها قاذفة آر بي جي


الأفغان ما يلعبوا
ترى فيهم من أهل غزة مسحتين ، تلاتة ..

[عبدالستارالنعيمي]

المشاركة الأصلية كتبت بواسطة راحيل الأيسر

من وحي رمضان :

كان نفسي لو قلبي للقسوة أقرب زي عجينة ( البُف )
لكنه للين أقرب زي عجينة البتزا
وأحيانا يسيح مرررة زي عجينة الزلابية




لكن بس أحقد
يصير شبه التميز اللي نسيه ( ذبيح الله أكبر ) في التنور ساعتين
عشان كان بيتضارب مع مفيطيح لما قاله
ايس في كلام
انت ما يفهم
أنا يقول شباتي
انت سوي ملبلب ..
انت في مخ ولا مافي ..


وبس ، ذبيح الله أكبر
ايده لحالها قاذفة آر بي جي


الأفغان ما يلعبوا
ترى فيهم من أهل غزة مسحتين ، تلاتة ..

البيتزة والزلابية مفهومة ولكن ماهو "البف" وماهو المفيطيح!!!

[راحيل الأيسر]

المشاركة الأصلية كتبت بواسطة عبدالستارالنعيمي

البيتزة والزلابية مفهومة ولكن ماهو "البف" وماهو المفيطيح!!!

مرحبا سيدي الوالد المكرم

البَف هو سمبوسة حجازية سأدرج لك رابط طبخها

https://youtu.be/kZJFGsG2dm4?si=wlI-IwHV1IZgCbkh



ومفيطيح اسم مثله مثل ضيدان وضبعان ومفيليح
وصويلح ..
وليس اسم أكلة المفاطيح المشهورة
أما ذبيح الله أكبر
فهو مفتول الشوارب والعضلات
يده اليمنى مدفعية
ويده اليسرى آر بي جي


والشباتي والملبلب أنواع التميز الذي يلصقه ذبيح الله أكبر في التنور ..

بوركت وغنمت أيها الوالد المكرم ..

[راحيل الأيسر]

ذبيح
ذبيييييح

شوف انا يعرف يد انت آر بي جي
ويد تاني هازا مدفعية

لكن هازا عرب مشكل كبير
انت ما يعرف هادا كيف تفكير
هادا يقول شعر سوا سوا
إذا استنبحَ الأضياف كلبهُم **قالوا لأمّهِم : بُولي على النّارِ ..

يعني قول امي تعالي سوي بول
ايس سوي انت بعدين ؟
فين ودي وجه .. ؟!

شوف سديق ذبيح
انت يد آر بي جي
هادا نفر عرب لسان آر بي جي
أنت ما يعرف
أنا يعرف
أنا يكتب سوا سوا عرب مكان اسم اقلام

مشكل كبير هادا نفر عرب
تفكير ختييير ( خطير )
قول شعر سوا سوا بندقية
يخرق قلب ..
صويلح قول مخ مافي
انت قول ( على راسي سيدي مخ مافي )
مفيطيح قول ( فين عقل )
قول عقل مافي ينسى انا عقل في أفغانستان
عند بيغم شراب گل
مافي سوي مضاربة
سوي ملبلب
سوي شباتي
انا يوزع هنا في مكان اسم أقلام
نفر عرب كويس
يدي واحد حبة مؤسس
اتنين حبة مدير
تلاتة حبة شاعر كبير اسم عبد الستار
تلاتة حبة شيخ خطير اسم عوني

يعني يدي هنا
يدي هناك
يدي كل نفر كويس ..

مفهوم سديق ذبيييح ..

[راحيل الأيسر]

الطشت ء اللي يا حلوة ياللي
ءومي استحمي ..


بص يا طشت انت متأكد مليون بالمية
انه بكرة عيد ؟
مش استحم أنا وبعدين يطلع العيد بعد بكرة ؟

اوعى المقالب دي معايا
لحسن زختين مية في الراس توجع
هم استحمايتين في السنة مافيش غيرهم
مرة في عيد الفطر
ومرة في عيد الحج

تتلخبط حضرتك في الأيام مش ذنبي يا خويا
زي ما بقولك كده
زختين مية في الراس توووجع ..

أنا من رأيي بلاش اتهور
استنى لغاية ما نشوف الناس بتصلي العيد ..🙄🙄

[راحيل الأيسر]

أحتاج إلى عائلة ثرية جدا جدا جدا
تتبناني وذلك لمنفعة متبادلة

أنا ألقالي عيلة ثرية أغيظ آل السيف اللي ما عزموني في زواج بنتهم رجوة
وهم يصير لهم بنت زي فلقة القمر ..


ايش ؟ 👂🏼🤚🏻
شطحت مرررة

طيب زي ومضة نجمة الثريا ..

إيش ؟؟
كمان شاطحة ..

طيب زي نجفة الكريستال اللي في بهو قصور الأمراء

كيف ؟؟؟
كمان مبالغة ..

طيب زي الونّاسة الصغيرة اللي تزين الليالي الرومانسية ..
أظن اكتر من كده ما أقدر اعمل ديسكاوند 😤😤
إلا إذا يريحكم
أقول لمبة محروووقة 🌚

المهم انا اكسب عيلتهم
وهم يكسبوا بنت فيها مواصفات
أميرات ديزني
شعر ربانزل
بياض سنو وايت
خصر سندريلا ..😌😌😌

ايش 😳😳؟؟

كمان شاطحة
طيب يا خويا ..

حبسة ربانزل
غيبوبة سنو وايت
اهم شي غيبوبتها مو سمعتها أم سبعة أقزام المنحرفة
وكرف سندريلا ..

تمام كدة ؟؟؟ 🙁🙁

كيف ما يبغو يتبنوني ؟!!!
طب يتبنوني
تلات ايام أغيظ كم وحدة كده
طب يومين
طب يوم واحد يؤكلوني صحن كبدة ومقادم 😥😥

مافي !! 🤕🤕

طيب هم الخسرانين
تراني كنت شايلة في جعبتي حكايات شهرزادية

بس خلاص
بطلت ما ابغى تبني ..
هم ب/طريق وانا ب/ طريق 🐧🐧🐧

فانظروا إلى هذا الجناس البدييييع ..


صباحكم حكايا شهرزاد 😉✌🏼
حكاية مختصرة
هل تعلمون أنكم لا تستطيعون التخلي عن راحيل ؟
تعلمون ولا ما تعلمون
الوكاد انكم ما تعلمون ..😇😇
لكن التخلي عن راحيل وقشها وعيلتها وسيرتها
الوكاد انكم تستطيعووون 😅😅😂😂

[راحيل الأيسر]

أحتاج اعترف لكم إن قريحتي مصابة بالجفاف
واني بعصرها عصر - الله وكيلكم - وبطلوع الروح تنقط نقطتين ..💦


فلو نتاج اليومين مش ولا بد
تراني مصابة بالجفاف القريحي ..

تفتكروا أستخدم كريم مرطب
ولا نقط تقطير ..
انتم بالعادة بإيش ترطبوا قريحتكم ؟؟
لأنها للحق جفت و تقرحت بعيد عنكم

البنت إلهام يكشف بحالها مدري فين شاردة عني ؟؟!

اللي يسمع يحسب كأنها كانت تدخل علي بقصيدة ولا شي محرز ..
كله كان شوية تفاريح وكنت مبسوطة وممشية حالي بيه ..
ولا عمري قلت لها بنت يا إلهام ترى مجايبك من سوق الجمعة ..

كنت راضية ومبسوطة ..

بس بنت اللذينا فجأة شردت وقطعت زيارة .


المهم اللي يشوف البنت إلهام يعطيها شتيمتين بس باحترام يعني ، ومع كامل التقدير
ويقولها رحول تسلم عليك وتقولك يبقى شقري عليها
المنتدى التفاعلي صاير حاله مايل من دونك ..
وكفاية تقرحات وجفاف قريحة ..
قولوا لها تبطل تلعب معايا ألاعيبها ..


كفاية آخر تلات حاجات طلعت معايا
ما كانت مكيفتني صراحة ..

يخرب بيتك يا إلهام
هادا وانتِ بتجيبيلي من سوق الجمعة
ايش حال لو كنتِ تدخلي عليا زي ما كنت تدخلي على ابن زيدون والمتنبي ..

بفكر يا جماعة أقاطعها زي ما قاطعتني ..
رايكم لو جات بعد العتاب
افتح لها الباب ؟
وأرطب القريحة ..
طب أرطبها كريم ولا قطرات ولا زيت ؟
بلاش زيت
أخاف تتزحلق إلهام
تدخل من هنا وتخرج زحلقة من هناك ..


المهم أحتاج البنت إلهام
وشوية مرطب للقريحة ..



صباحكم أشعار وأمطار والمدللة إلهام ..

[راحيل الأيسر]

حد فيكم شاف دلال ؟؟؟ 😤
آآآ قصدي البت إلهام ؟؟؟


المهم اللي يشوفها يعطيها خريطة قلبي
آآآ قصدي خريطة بيتي ..


ترى القريحة بتحتضر ..
يكشف بحالك
المشكلة مجايبك من حراج الخردة ..
لكن نقول ايه ..

الله فوووق
الله ع الظالم ..





أعزائي المعجبين الكرام
صبروا نفسكم الين تجيني البت إلهام اللي أظنها غيرت اسمها لدلال ..

[راحيل الأيسر]

طق طق طق

- مين ع الباب ؟؟!!
- أنا البت إلهام يا بيييييه ..

- قلعة تقلعك ، امشي يا بتاع حراج الخردة ..

امشي ، يا تجيني ببراند
يا إما أعيش مع القريحة المتقرحة
أما شغل حراج الخردة دي ما بقت سالكة معايا

امشي ..
















فذهبت البت إلهام مفطورة القلب
كسيفة البال 😓😓


تفتكروا ترجعلي 🤔🤔
ولا يمكن خسرتها للأبد 😥😥
🤔😐