معركة زجل ومحاورة اشكال الوان

[إبراهيم محمد شلبي]

ما اجمل كلامك عسل على الراح
صبي لي خمر كرمك على الراح
تعي صوبي سوا نبكي على الراح
يرحم زمانك أيا أيام الشبااااااااااب

[مردوك الشامي]

يا آدم شعرك موصوف
ونحنا عا ساحاتو ضيوف
الشاعر من حرفو معروف
يا شاعر فوق العاده.
ردّلي واعمول معروف ..
تا نكبر هالزواده .
محبتي

[إبراهيم محمد شلبي]

وينك عني كنت بعيد؟
يومك عندي بيوم العيد
بنبدا من أول وجديد
المربّع عمَّ ينادي

معك استاذ مردوك، وعلشانك هاي بيت مثمّن كمان:

بهاي الساحة جينا نْشيد = صروح الشعر الـْ بالعالي
غنينا وطاب النشيد = بنغمة صوتي وموّالي

يالله نشبك ايد بايد = ونعلي صرح البنيان
وكل ما يطلع صبح جديد = نصلّي للرّب الدّيان
يْتمّم عْليْنا ويْعيد = الفرحه لْقلْب الانسان
ويا رب تبارك وتزيد = الخير بوطنّا الغالي

وبعد ما بدينا بترحابْ = بنفتح باب التحدّي
وشدّو الهمه يا شبابْ = وكونوا مثل ما بدّي
واللي في عنده جوابْ = يْشرّف ويجيبُه بْردّه
واللي بدّو يدقّ البابْ = رَح يِنْطَم بزلزالي

[مردوك الشامي]

أنا حـدّك دايما موجــود
وبقلبي بستان ورود
لو ببعد , بكرة رح عـود
تنكمل هالغنــاني .
يا آدم شعرك بيجود
ما متلك حــدا تانـي .
بنتجمـع قوة ووجــود
وبنقدح شعر وبارود
ما لا زم يبقو اليهــود
هيك الخالق ربّــاني
المحبة بتلغي الحــدود
وهون بتلقى عنـواني .
مع محبتي

[إبراهيم محمد شلبي]

بِيْميني حامل السلاحْ = وليسقط غصن الزيتونْ
قلبي ما بيعرفْ الأفراح = والحاكم بني صهيون
رح نفدي الوطن أرواح = حتى الوطن فينا يكون
هبّ العامل والفلاح = سلاحو يلمع ويلالي

سوريا ونحنا إخوان
نفس البلد والعنوان
يا شاعرنا يا فنان
يا مبدع هالأغاني
ظلّك للموعد فطنان
بستنّاك بميداني

[إبراهيم محمد شلبي]

حتى تحلى المحارة لا بد لقلل من التطاول أحيانا وليس دائما وهو من باب الحماسة لا الشجار.


أوووووووف

الْ مِثْلَكْ بالشِّعِر بَعرف مَداهم
وعليي ليش تَ يْسلّوا مداهم
وإذا مردوك أجا حصني مُداهم
فراشة وداهمت شعلة لهااااااااااب

[إبراهيم محمد شلبي]

بْمَحَلا كلمتي وما في عُشُر شَك
انطلق سهمي من قوسي عَشَرْ شَكْ
ولا تجبرني أنا أضرب عَ شرشك
أحسن لأقلعه من جوا التراااااااااب

[محمد فاروق]

والله بتمنى ان اكون قدير لمجاراتكم
جميل جدا ما خط هنا

[إبراهيم محمد شلبي]

ناطر عا جمر وعا نار = تيشرف حدّ لعندي
وينظم من فنه أشعار = ويشعل نار التحدّي
تاري لا ضيف ولا جار = شعره مثل ما بدي
أحسنهم عنده أفكار = خرج انكبا بزبالِه!!

يا جماعة بلاش تكونوا شعار، أصلا انا بجرب تجريب، حاولوا مثلي وخلونا نشوف شو بيطلع معكم.

يابراهيم عمرهن عنا ماتخلو*** ياقلبي صون حبهم ماتخلو
يابو خليل الشقر عنا ماتخلو ***ياقلبي صون حبهم ماتخلو
اذا نمر البراري مات خلو *** يحسد بوم ساكن بالخراب

عيونك سود كحله لاتحطي *** زعل وهموم بقلبك لاتحطي
اذا كنتي طير بالسما لازم ماتحطي *** نصطادك بالشبك يام العصاب

يام الوجه الحلو مدور على اصولو *** والتم خاتم ذهب جوا الذهب لولو
والحاجب خط القلم *** والعيون عسليا