يا حمام السمسمِيَّه

[د. فوزى ابودنيا]

وانتى بخير وسعادة

ف الحمام بح الهديل
والغنا اصبح هزيل
والامانى ليل طويل
والسكك مالهاش دليل
والديابة منشورين
ع السكك اكبر بلية
والصبية الغندورية
واقفة باكية ع اللى بيا
شايفا فيا انى الامين
وانا خايف اكون ضحية
للديابة المجرمين

[د. حورية البدري]

الدِيابَه رايحَه جايَّه
والقُطط راقمه حمامنا
عاوزَه تاكلُه
راقمَه أراضينا
وزَيتونَه أصيلَه جَنبْ بيتنا
والديابه والقُطط عُمْرَها ما خَوِّفِتنا
ده احنا رَبْ الكون باعِتنا نكون جنودُه
تنطلِقْ " الله أَكْبَر " مِنْ حدودُه
واللي غاصِب أرضِنا بُكْرَه يِفارِق
واللي ضَحَّى العيدْ دَه بينا ؛
بُكْرَه دَمُّه يسيلْ في أراضينا على كُلْ المَفارِقْ
بَسْ إوعَى غِنوِتك تِبعِد وغَنِّي
لا تِباعِدْ بين غُنا بِالعَزم عَنِّي
قَوِّي عَزيمِتنا بتحَدِّي
جَدِّد الغنوايه عندي
يا حمام السمسميّه
غِنوِتك للأرض مَيَّه
تِروي أحلامها العَفِيّه
قول ونادي
غنوه صادقه لروح بلادي
غنوه تهزِم الأعادي
وَيّا لَحن السمسميه

**

دمت بخير أخي الفاضل د. فوزي ابو دنيا

ودام جميل الإبداع

تحياتي

[د. فوزى ابودنيا]

ياحمام ايه المرام
من وقوفك ع القنال
السفن بتروح وتيجى
وانت عاشق للمكان
والهديل وقت الادان
اسمعه لو ف السودان
جاى يرد روحى فيا
قلبى زيك بالتمام
عشقة غنوة سمسمية

[د. حورية البدري]

القنال بترول بلادي
ضَرْبَه قاضيَه ع الأعادي
مهما يِتْحالفوا علينا
رَبِّنا سانِد إدينا
وان ضَرَبنا الضَربَه يِهزِم العَدو اللي جار علينا

***

دمت بخير وإبداع جميل أخي الفاضل د. فوزي ابو دنيا

تحياتي

[د. فوزى ابودنيا]

مسكين ودمعك ندى
راجع تهف عَلى
بس الجناح مكسور
والجبر مش بِادَى
ياحمام هديلك صراخ
والدمع غمى عنَى
مر الاسية ف حلقى
صعبان على اهل الحى
بَاعنى اللى من صلبى
قولى اعمل ايه ياخى

[د. حورية البدري]

الحمام فات ع المدينه
شايل قلوبنا الحزينه
لَمَّا شُفت هناك نَبينا ؛
غابت الأحزان وِوَلَّتْ
ع النبي المحبوب صَلَّت
ماافتكرتش حُزْن صابني
لَمَّا نور حِبِّي صَحَبني
والتقيتُه كُل أَهلي

يا حمام سَمِّي وصَلِّي
واوعَى تِتْأَخَّرْ عَلينا
أَحْلى صُحْبَه
في المَدينه

[د. حورية البدري]

دمت بخير وسلامة وإبداع جميل أخي الفاضل د. فوزي ابو دنيا

تحياتي وأطيب أمنياتي

[عيسى عدوي]

الحمام واقف يرفرف
فوق قلوب العاشقين
والديابة جاية تخطف
أي فرحة
في قلوب الفرحانين
كل ما انسينا الأسية
ينفتح باب المواجع
نساله مين الضحية
ينهمرسيل المدامع
والفؤاد من جوه يهتف
حتى يوم العيد حزين

[د. حورية البدري]

الحمام نادَى عَلينا
قَرَّبْ الأصحاب إلينا
طَبِّبْ الأحزان وشالها مِن أغانينا الحزينه
...
مَهما مَدْ الجَرْح إيدُه
وَقفِة الأصحاب على بابنا تِعِيدُه
مِنْ مكان ما جه يِعاوِد
تِبْعِد الأحزان بِليلها
والنهار يُشْرُق ما بيننا
نِلْتِقي أحلامنا قادرَه تكون عَفِيَّه
والكلام الحلو يقْدَرْ يِتْرِوِي ع السِمْسِمِيَّه
...
يا حَماس الفَتْح جالِك
يوم ما كان عَزْمِكْ قُبالِك
تِهزِمي اللي غار عَلَيَّه
تِنْصِفي أَهلِكْ وناسِك في فلسطين الأَبِيَّه
...
العَدو مْغَمِّي عنين الفتح عَنَّا
بَسْ بَصيرتنا النقيَّه راح تشوفُه
يِنْدِمِل م القلب خوفُه
والأعادِي تصيرْ جَلِيَّه
سَهمِنا حَتماً يِصيبها
حتى كِلمِتنا ؛ ح تِصْبَح كِلْمَه واحده
كالرُصاصَه ف صَدْر أعداءنا
وغِنوَه وطَنِيَّه
وَيَّا لَحْن السِمْسِمِيَّه

**

دُمت بخير أخي الفاضل عيسى عَدَوي

ودام جميل الحضور والإبداع

تحياتي

[إياد حياتله]

[عبدالجليل الشيخ]

الأخت / د. حورية البدري
السلام عليكم و رحمة الله و بركاته ،،

معزوفة رائعة .. و حلم جميل ننتظر اليوم الذي تكتحل الأعين برؤيته
يا حمام السمسمِيَّه، إحذر مدفع و دبابة
النـيـل بين جـناحـيك معـزوفة ربـابـة
و المستقبل في السماء أحلى سحـابة
و المطر في الـقـدس بشارة الحمامة
شكراً .. لهذه المعزوفة ، و الأمل المتجدد ، و لحظة الإنتظار التفاؤلية لعودة الفردوس المفقود
إذا وجد الأمل ، أمكن للمستقبل أن يتحقق .

و السلام ختام.

[د. حورية البدري]

يا إياد غني الأغاني
وَيَّا ألحان الأماني الوطنية

هُوَّ ليه اللحن صافي
والحمام صوته موافي
غير ب دي الصُحبَه الهنيَّه
ويَّا لحن السمسميه

**

دمت الأخ الفاضل إياد بكل خير وطيبة

وعام هجري جديد مُبارَك لك ولأمتنا الإسلامية بإذن الله