جبروت

عبد القادر النجيلى · 13-06-2007, 11:24 PM

جبروت..
في معبد عرشه جبروتك,
اسرتيني..
رميتيني في براكينك ..
وأعوانك علي شمالك
علي يمينك
وكل اللي انتي عاشقاهم
عيونهم عاميه , مش شايفه
وانا وقلبي اللي عاشقينك.
رميتينا في زنازينك ..
ومات في القلب غفرانك
سألتيني : بتهواني ؟!!
غبيه يا ملكه في سؤالك
ده لو عينك , قرت عيني
تلاقي الرد لسؤالك ..
لكنك عاميه , مش سامعه
صراخ دمي في سكاكينك ..
سحرتيني يا شيطانه
دبحتي قي قلبي شرياني
وكل ما ابص في مرايتي
الاقيني قصاد عينك ..
والاقي الحلم جوايا
يناديلك ..
لكنك رغم أحلامي
ضحكتي , وجبتي سكينتك
ومددتيني ع المدبح
علي جبيني ..
كأني كل قرابينك ..
مضيتي صك اعدامي
وأعدمتيني بيمينك ..
وسبتي نفسي مدبوحه
كأني يوحنا , وكأنك
سالومي بكل شياطينك .
....................................

رافت المصرى · 29-06-2007, 12:50 AM

الله على هذا البوح الجميل نص فوق الرائع و تجربه لطالما مست القلوب
شكرا لك استاذى على ان عبرت عما فى قلوبنا بهذا الجمال

عبد القادر النجيلى · 08-07-2007, 04:11 AM

اشكرك استاذ رافت على المرور وعلى حسن التعليق

إياد حياتله · 12-07-2007, 04:06 AM

أخي عبد القادر
هذا نص والله مدهش
يسعدني أنني أستمتع بالغوص بين حروفه وكلماته

الله الله

عبد القادر النجيلى · 13-07-2007, 01:55 AM

الله يسعد اوقاتك استاذى إياد؛ويمتعك بالصحه والستر
اشكرك جداً جداً على مرورك الكريم