 |
|
|||||||
| منتــدى الزجل والشــعر العــامي والنبـطي لطالما كان الزجل والشعر العامي قريباً لقلوب الناس و فكرهم، فله منا نصيب ... |
 |
| مواقع النشر المفضلة (انشر هذا الموضوع ليصل للملايين خلال ثوان) |
|
|
أدوات الموضوع | تقييم الموضوع | انواع عرض الموضوع |
01-12-2007, 06:37 PM
|
رقم المشاركة : 1 | |||||
|
شوق
الله على طعم الشهد ف حضنك واحنا بنحضن بعض ف وسط الناس بعد التغريب الله على روحى وروحك لما اتقابلوا ف علم الغيب كونتيلى النور وأنا كنت شعاع عمال يتنطط ع الكراكيب عمال يتمرد ع المكاتيب اللى ف عبك رغم انى بحبك وبحبك الا انى تمللى بحب أتمرد ع المكاتيب وبحب اتحايل ع الترتيب اللى ف لونك وبحب اتلون بجنونك وبحب اتغزل ف عيونك قدام الناس الله على طعمك لحظة ما الاحساس جوايا بيتغطى بنفس الاحساس والعين فى العين والراس فى الراس الله ع الوردة اللى بتحضن ورق الكراس اللى ف ايدك با اتاخد منى وأنا ف حضنك وانتى بترقينى بتنهيدك وبترمى ف عبى حروف الشوق وأنا واقف بين ضلعينك متلجلج مش عارف أفوق ولا عارف أدوق طعم العناب اللى ف خدك الله لو كان فى ايديا الكون كنت أصنع ملكوت على قدك وينبت وردك جوا اجرانى العطشانة ما أعرفشى انتى بطعم التفاح واللا انتى أساسا رمانة واللا انتى الضحكة السهرانة ف كل الحواديت وأنا ليه بشتاق لك لما بشوف الورد الساكن جوا الفاظة ف ركن البيت ؟ أنا ليه بشتاق لك لما أسمع نغم الزراغيت جوا ودانى؟ أنا ليه بشتاق لك وبضمك لحظة ما بشوفك فى كيانى ؟ يا عيون سرقانى وأسرانى ووخدانى بعيد بتهز معاكى وانا ف حضنك والايد عمالة تبوس ف الايد والقلب بيلعب جوايا ويتكى على حبال التنهيد أتنهد واللا أستناكى ؟ واللا أضغط على وترى الموجوع وأصبر وأتنهد وياكى ؟ واللا أرسم قلبى على الدواليب زى العادة ؟ وأطبع جواه صورتى وصورتك وأكتب ( زيدون ) مع ( ولادة ) ؟ واللا أقعد وأسمع (( دوا عينى )) وتسرقنى وأدوخ مع (( ميادة )) وأتهز لكل أغانى (( حليم )) ؟!!!!! يا عيون صافيين زى اللولى ويا خدود طعم البلح الأبريم أنا نفسى أتمرد ع المراسيم السلطانى وأصرخ فى وشوش حراس النور وأكسر كل قيود سجانى يا عيون أسرانى ووخدانى وفايتانى على البر التانى وحشانى بكل معانى العطش اللى ف جوفى وحشانى بحجم نياب الشوق اللى بيمضغ شهوة خوفى وحشانى بجد بحجم حروفى المشتاقة لحضن الكراريس أنا بعشق ليه ريحة الدبابيس اللى ف شعرك ؟ كل الحواديت اللى ف شعرك التنية الحلوة اللى ف عودك ؟ أنا بعشق ليه ريحة التدايين لما التدايين تتمايل على جمر خدودك ؟ يا أم الخدين أحلى من الورد وأطعم من طعم التين فى الأرض بشتاق لك جامد لما البرد يدوس ع الناس زى التنين بشتاق لك جامد لما بحس ان العالم بقى فاضى وما فيهوش بنى آدمين بشتاق لك بشتاق لك جامد ويا ريت الشوق يبقى حنيّن ويوقف فى دماغى الطواحين |
|||||
|
|
03-12-2007, 09:36 PM
|
رقم المشاركة : 2 | |||||
|
مشاركة: شوق ( الله عليك ياسعيد )
الشاعر الجميل سعيد شحاتة [/quote]لا اعرف كيف ان انصك هذا لم يستوقف احد قبلى ليعلق عليه مع ظنى انه منشور من ايام على كل لا عليك فقد فات من لم يقراه الكثير واحسب ان نصك هذا يحتاج لمن يقرأه مرات ويرتفع بمستوى تلقيه ليعلق ويضيىء ما به من جمال وروعة وشاعرية وصدق لذا فانا لن اعلق لاننى لست فى هذا المستوى على الاقل الان إلا اننى يجب ان اقول لك ان نصك هذا ياخذك ويضعك بين شعراء العامية الذين ينتظرهم الكثير وانت واحدا ممن لا يقبلون الكتابة المجانية منذ ديوانك الأول ( حاجات ياما ) احييك واشد على يدك ولى عودة مع نصك علنى استطيع ان اكون فى مستواه اشكرك اشرف الشافعى |
|||||
|
|
|
03-12-2007, 10:33 PM
|
رقم المشاركة : 3 | ||||||
|
مشاركة: شوق ( الله عليك ياسعيد )
اقتباس:
صديقى العزيز جدا الى نفسى أشرف الشافعى أتمنى أن تقرأ رسالتى اليك بداية أنا فى غاية السعادة لمتابعتك التى تشرف أعمالى دائما أنت مبدع بحجم كلمة ابداع حينما أقرأ اسم أشرف الشافعى فى منتدى والله بمنتهى الأمانة أشعر بأننى متواجد على هذا المنتدى منذ فترة كبيرة لأننى أقابل شخصا أعتز بصداقته وأعتز بإخلاصه لإبداعه وحبه للابداع عامة أنت مبدع لا تستطيع الكلمات أن تجارى اخلاصك لهذا المجال تحياتى لك وخالص حبى وتقدير وأنتظرك صديقا يشرفنى دائما http://www.saidshehata.jeeran.com/said http://www.saidshehata.jeeran.com/ http://said-hamed.maktoobblog.com http://said-shehata.maktoobblog.com/ سعيد شحاتة |
||||||
|
|
|
«
الموضوع السابق
|
الموضوع التالي
»
العرض العادي
|
|
الساعة الآن 06:58 PM.