 |
|
|||||||
| منتــدى الزجل والشــعر العــامي والنبـطي لطالما كان الزجل والشعر العامي قريباً لقلوب الناس و فكرهم، فله منا نصيب ... |
 |
| مواقع النشر المفضلة (انشر هذا الموضوع ليصل للملايين خلال ثوان) |
|
|
أدوات الموضوع | تقييم الموضوع | انواع عرض الموضوع |
17-05-2009, 09:40 AM
|
رقم المشاركة : 1 | |||||
|
هوه ليه المصرى ساكت
هوه ليه المصرى ساكت شايف الأيام رمادى حاضن الأحزان وهادى ولا مش فاضى الساعة دى يشكى ولا يروح يعادى واللسان مربوط وراضى والعيون م الهم نامت هوه ليه المصرى ساكت السكات فى الاصل حكمة اصله عايز يلقى كلمة توصف الاحوال بذمة بس ما تسببش ازمة شعب عاقل لأ وثابت هوه ليه المصرى ساكت شعب رائع احنا جدا لينا فى التوريث ثقافة اللى عايش بيه وباشا ابنه زيه فى النضافة والطبيب المصرى شرحو والمهندس والطرافة انه مبدا شبه رسمى ليه بقى نقد الصحافة لما تتورث مناصب او كراسى او خلافة شعب ع المبدأ وماشى مهما قالت ولا عادت هوه ليه المصرى ساكت غازه باعه ولسه نيله وانقياده مفيش مثيله جوه بلده وتاه دليله بس لو شفته تناديله قوله غطى الخيبة بانت هوه ليه المصرى ساكت قوله لايقة عليك بلادك راضية نومك يبقى زادك بعد ما اتسرطن ولادك والفساد حوطك وسادك انسى تيجى كرامة كانت لو فضلت يامصرى ساكت الديون ع القلب شيلة اوضة واحدة تلم عيلة والنفوس راضية وجميلة انه يرفض مستحيلة والعيار الأمنى فالت بس لسة المصرى ساكت شوفته ازمة ميه تيجى ف ارض نيل ولا من غير الرشاوى يبقى حقك مستحيل بس شاطرين فى الغناوى او نسقف او نميل او نوافق جوه مجلس بس نرفض جوه بير او نعيط من مسلسل تركى لازم مش بديل او نشجع كورة فرقة لو بتخسر الف جيل شعب صابرمستنير فقره عايش فيه ونابت هوه ليه المصرى ساكت التوقع بكرة يجى الخير ويكبس والدليل حجم التقدم فى التلوث والدراسة والمدرس واللى يدرس والجريمة والبطالة نسبة تهوس والتسول والحوادث اللى زادت كل ده والمصرى ساكت هوه ليه المصرى ساكت؟؟؟ محمد فكرى |
|||||
|
|
20-05-2009, 10:50 AM
|
رقم المشاركة : 2 | |||||||
|
رد: هوه ليه المصرى ساكت
صرخة رفض لحال مرير قد يكون الاصعب منه على النفس السكوت
|
|||||||
|
|
|
06-06-2009, 09:02 AM
|
رقم المشاركة : 3 | |||||
|
مشاركة: هوه ليه المصرى ساكت
الله عليك يامحمد انت قلت اللى كل الناس عايزه تقوله وانا حقولك المصرى ساكت ليه |
|||||
|
|
|
06-06-2009, 04:00 PM
|
رقم المشاركة : 4 | |||||
|
رد: هوه ليه المصرى ساكت
طب سؤال إذا بلدك فيها كل هالمصايب لاش مصرين على اسم مصر أم الدنيا ؟؟؟؟ |
|||||
|
|
|
العرض العادي
|
|
