اجدع سلام

[رافت المصرى]

انا ليل و بارمى ع النهار اجدع سلام
سلامى له و لصحبته
الحب و النور و الامل
والاجتهاد ويا العمل
لايدين بتخلق م الالم
سلسال نغم
طوفان امانى مٌفرحه
و مسلسله ايد المرار
اجدع سلام
سلامى للشمس اللى نازله بتقلها
بالابتسام
سلامى لولاد العبور
و الاتحاد والود من غير الوشوش متلونه
و اخوه ضارب جدرها ف عمق التاريخ
من يوم ما شرع عمرو فى ازمان عمر
العدل

معنى الاتحاد نجمه و هلال
سلامى لولاد الوطن
اللى عبر كل المحن
بالرباط و الارتباط
و اخوه عامله جمعهم
زى الملاط
اللى بيبنى المجد و بيوت السكن
سلامى للى عندهم
الليل وقف فاشل ذليل
ملقاش طريقه يفكهم
ملقاش سبيل
و حط كفه فى الشقوق
و عيونه عميت م الشروق
اللى بيشع من العيون المؤمنه
بالحب للحضن الكبير
و التعايش و التأخى و السلام
بالهمه و بكل الضمير
سلامى للى مقصرين ليلى الكحيل
هارمى السلام و ارحل قوام
و احلف ما راجع عندكم
مهمن جرى مش هارضى انى اكون كده
تانى ذليل
بعد اللى جربته انا
انا باعترف
انى فشل
يا ناس
ما تنفعش الوقيعه فى جنسهم
و لا كل انواع الفتيل
__________________