رباعيات

[داليا فاروق]

صوت الحزين يتخنق من كثر دمع الشوق
مشدود لتحت وراسه متشعلقة لفوق
يفضل يدور في السما على نجم يشكيله
ويلاقي آهة وجع بتقوله يا أهبل فوق

الحب قلب انخطف زي اللي في الصورة
سايب مكانه نزف وضلوعه مكسورة
القلب لو يتفهم يفهم ميتعبشي
لكن قلوب البشر م الفهم مهجورة

أنا دنيتي بحرك وأنت اللي بحاري
بيشدني سحرك وعيوني بتداري
وأسمع كلام كذاب ع الودن يتمشى
أنك يا عاشقة البحر في ايديكي تختاري

فرسك يا صاحبي زهق وزماننا مش خيال
حلمه ولجامه ورق ده لأنه عنده عيال
لو فاق وجه يجري يجري على قوته
يرمح ومش مسموح تعبه ولا موته
فرسك يا صاحبي خشب على الرفوف متشال

سنك ده لو يبتسم حيغني موالي
ضحكة سنين تترسم بالفرحة جيالي
حزني اللي فات يتقسم على صحبة بتغني
أجمل ما فيها ولد بالضحكة بيلالي

عكازي بيك انكسر يا عشرة الأيام
وعنيا بتدمع بدل الدموع مية
ولاكنت اتصور اني عليك أندم
ولا كونتش اتصور اكتب رباعية

أعمى ووصى الله بيا في سورة "عبس "
قالوا عليه مسكين النور في عينه اتحبس
علمي وأدبي انتشر ياما بهر أبصار
لو كان وهبني النظر كان يمكن أبقى حمار

عزف القلوب للشجن أصبح يا ناس عادة
حنجيب منين الأمل وجراحنا منعادة
كل الجراح تلتئم وأنا جرحي ده بيبكي
ولا نور يشق طريق ولا شمعة منقادة

الغربة عمر ثقيل بنعيشه جوانا
بالعافية بيعدي وأهو ياما ورانا
ونفوق من التوهة على شعر بيطقطق
راحت سنين عمرنا والفرحة نسيانا

الغربة لو بالوطن يمكن منتغربش
عادي لقينا السكن وصعبة منقربش
لكن حزين غربتي سرحانة في ضلوعي
زي اللي عاش دنيته ساكت .... متستغربش

كنت دقة في قلب واتعلم يخاف
كنت لحظة صدق تستنى انكشاف
كنت صرخة في حلق رافض ينفتح
جوة صهد الشمس متغطي بلحاف

عطشان برغم النهر بيحلي غياب ورجوع
عطشان ألاقي الصحبة تتجمع كفاية دموع
وحيد ومن ضعفي بقسى على روحي
لما بداوي العطش يهد قلبي الجوع

ده عمرنا ساعة بتعدي بخسارة
مش زي قطر سريع لأ زي طيارة
دقيقة تفرحنا والباقي لجراحنا
ما أخذنا منك غير صلعة ونظارة

[وفاء أمين]

عكازي بيك انكسر يا عشرة الأيام

وعنيا بتدمع بدل الدموع مية
ولاكنت اتصور اني عليك أندم
ولا كونتش اتصور اكتب رباعية

أعمى ووصى الله بيا في سورة "عبس "

قالوا عليه مسكين النور في عينه اتحبس
علمي وأدبي انتشر ياما بهر أبصار
لو كان وهبني النظر كان يمكن أبقى حمار

الشاعرة الرائعة داليا فاروق

أعجبتنى رباعياتك جداوخاصة هذا المعنى

عكازى بيك انكسر
يا عشرة الايام
تنزل دموعى مطر
ولا كنتش اتصور
يجينى يوم انفطر
واصبح عليك ندمان
ولا كنت يوم انتظر
اكتب رباعية
اعمى فى سورة عبس
وصى الإله بيّا
نورى فى عيني اتحبس
من علمى من ادبى
بهرت انا ابصار
لو كان وهبنى النظر
كان يمكن ابقى حمار!

رأيتها وقرأتها هكذاافضل
تحياتى وأرجو المزيدمن فنك الراقى

[سليمان محمد شاويش]

الغربة عمر ثقيل بنعيشه جوانا
بالعافية بيعدي وأهو ياما ورانا
ونفوق من التوهة على شعر بيطقطق
راحت سنين عمرنا والفرحة نسيانا

الغربة لو بالوطن يمكن منتغربش
عادي لقينا السكن وصعبة منقربش
لكن حزين غربتي سرحانة في ضلوعي
زي اللي عاش دنيته ساكت .... متستغربش


رحلة جميلة ومؤلمة قضيتها بين هذه الرباعيات فعلا وبحق اعجبنى قلمك وابداعك واخذنى إلى اين لا ادرى ولاكن عشت وقت من الزمن بين هذه الكلمات وكأنى طائر أحلق بين السماء والارض

[داليا فاروق]

المشاركة الأصلية كتبت بواسطة وفاء أمين

عكازي بيك انكسر يا عشرة الأيام

وعنيا بتدمع بدل الدموع مية
ولاكنت اتصور اني عليك أندم
ولا كونتش اتصور اكتب رباعية

أعمى ووصى الله بيا في سورة "عبس "

قالوا عليه مسكين النور في عينه اتحبس
علمي وأدبي انتشر ياما بهر أبصار
لو كان وهبني النظر كان يمكن أبقى حمار

الشاعرة الرائعة داليا فاروق

أعجبتنى رباعياتك جداوخاصة هذا المعنى

عكازى بيك انكسر
يا عشرة الايام
تنزل دموعى مطر
ولا كنتش اتصور
يجينى يوم انفطر
واصبح عليك ندمان
ولا كنت يوم انتظر
اكتب رباعية
اعمى فى سورة عبس
وصى الإله بيّا
نورى فى عيني اتحبس
من علمى من ادبى
بهرت انا ابصار
لو كان وهبنى النظر
كان يمكن ابقى حمار!

رأيتها وقرأتها هكذاافضل
تحياتى وأرجو المزيدمن فنك الراقى

أستاذة وفاء
تعلمت من هنا المقال



ولا أعلم ماذا حدث لرباعيتي؟
حيث هما اثنتين تداخلتا في واحدة

الثانية تبدأ بكلمة أعمى
ولا علاقة لها بالأولى في المعنى


مرور أناملك على كلماتي تحية لها ولي

فلك تحية أكبر وأعمق
فقد نلت شرف تلقيك لي

[داليا فاروق]

المشاركة الأصلية كتبت بواسطة سليمان محمد شاويش

الغربة عمر ثقيل بنعيشه جوانا
بالعافية بيعدي وأهو ياما ورانا
ونفوق من التوهة على شعر بيطقطق
راحت سنين عمرنا والفرحة نسيانا








الغربة لو بالوطن يمكن منتغربش
عادي لقينا السكن وصعبة منقربش
لكن حزين غربتي سرحانة في ضلوعي
زي اللي عاش دنيته ساكت .... متستغربش


رحلة جميلة ومؤلمة قضيتها بين هذه الرباعيات فعلا وبحق اعجبنى قلمك وابداعك واخذنى إلى اين لا ادرى ولاكن عشت وقت من الزمن بين هذه الكلمات وكأنى طائر أحلق بين السماء والارض

أشكرك استاذ سليمان

الجمال في وجودكم حولي

تحياتي

[محمد عبد الحكيم كليب]

المشاركة الأصلية كتبت بواسطة داليا فاروق

صوت الحزين يتخنق من كثر دمع الشوق

مشدود لتحت وراسه متشعلقة لفوق
يفضل يدور في السما على نجم يشكيله
ويلاقي آهة وجع بتقوله يا أهبل فوق

الحب قلب انخطف زي اللي في الصورة

سايب مكانه نزف وضلوعه مكسورة
القلب لو يتفهم يفهم ميتعبشي
لكن قلوب البشر م الفهم مهجورة

أنا دنيتي بحرك وأنت اللي بحاري

بيشدني سحرك وعيوني بتداري
وأسمع كلام كذاب ع الودن يتمشى
أنك يا عاشقة البحر في ايديكي تختاري

فرسك يا صاحبي زهق وزماننا مش خيال

حلمه ولجامه ورق ده لأنه عنده عيال
لو فاق وجه يجري يجري على قوته
يرمح ومش مسموح تعبه ولا موته
فرسك يا صاحبي خشب على الرفوف متشال

سنك ده لو يبتسم حيغني موالي

ضحكة سنين تترسم بالفرحة جيالي
حزني اللي فات يتقسم على صحبة بتغني
أجمل ما فيها ولد بالضحكة بيلالي

عكازي بيك انكسر يا عشرة الأيام

وعنيا بتدمع بدل الدموع مية
ولاكنت اتصور اني عليك أندم
ولا كونتش اتصور اكتب رباعية

أعمى ووصى الله بيا في سورة "عبس "

قالوا عليه مسكين النور في عينه اتحبس
علمي وأدبي انتشر ياما بهر أبصار
لو كان وهبني النظر كان يمكن أبقى حمار

عزف القلوب للشجن أصبح يا ناس عادة

حنجيب منين الأمل وجراحنا منعادة
كل الجراح تلتئم وأنا جرحي ده بيبكي
ولا نور يشق طريق ولا شمعة منقادة

الغربة عمر ثقيل بنعيشه جوانا

بالعافية بيعدي وأهو ياما ورانا
ونفوق من التوهة على شعر بيطقطق
راحت سنين عمرنا والفرحة نسيانا

الغربة لو بالوطن يمكن منتغربش

عادي لقينا السكن وصعبة منقربش
لكن حزين غربتي سرحانة في ضلوعي
زي اللي عاش دنيته ساكت .... متستغربش

كنت دقة في قلب واتعلم يخاف

كنت لحظة صدق تستنى انكشاف
كنت صرخة في حلق رافض ينفتح
جوة صهد الشمس متغطي بلحاف

عطشان برغم النهر بيحلي غياب ورجوع

عطشان ألاقي الصحبة تتجمع كفاية دموع
وحيد ومن ضعفي بقسى على روحي
لما بداوي العطش يهد قلبي الجوع

ده عمرنا ساعة بتعدي بخسارة

مش زي قطر سريع لأ زي طيارة
دقيقة تفرحنا والباقي لجراحنا
ما أخذنا منك غير صلعة ونظارة

الأخت رانيا / تحية لك
كلمات جميلة ، ورقيقة ، ومعبرة ، تنثر شذاها على صفحة المنتدى ..
وهذه أبيات بسيطة ، جادت بها قريحتي وقت قراءة أبياتك الجميلة ..
لا دمع دايم
ولا فرح أزل
ولا حزننا بينفع طوق
الخلق كله هموم
بيبان بيضحك
ومن قهره جواه ينام مكتوم
وربنا العالم بأسرارنا ، وأحوالنا
بندعيه .. يارب
وايدينا مفتوحة
ونبص لفوق
نظرة عطف يارب
تحلى أيامنا ، وتنزاح عنا
سهوم .. وسهوم

[داليا فاروق]

أشكرك أستاذ محمد
على مداخلتك الرقيقة

داليا

[محمد الرويضي]

احتجت لاكثر من فعل القراءة لاءظل منتشيا...
نزف جميل...ورايق...كما يقولون قي لهجتنا.
باحترام..
محمد الرويضي