يَا سَـــــــايلنِي عــــلَى لَــــــــــحْوَالْ

[أحمد كرشوش]

	يا سـَــايلنِي على لَحوِال يا سـَـــايَلْــني علَى لَحْوَالْ....ريَّحْــتلي خَـاطْري بهَاذ السِيمَة نشـَـــــالّهْ الـــخير عْلِيكْ يسَال...تَعْلَى فالشَّــانْ وتْزِِيدْ فالقِيمَة يَا سَـــايـلـــني علَى لــحْوِاَل...وسـْــبَابْ غـِـيــاب التَّبسِــيمَة اَعْــــذرني ..ماصَبتْ ما ينْقَال ....جْوَِابــي لــيك مَاهُو بكلِيــمَة هَـــــاذي حكَاية طوِيــلَة ومَـــازال....مَــــازال انْفكَّر فِيها ديما بِســـــــــــــم الله نـــبدى لقْــــوَال...مَــحْــلاَهَا كَلْــمَة عَظــيمَة بِِـيــــهَا تْزُولْ كُـــــــــــل اَهْـوَالْ..تْمَـــدّ الــنّفُـــوسْ بَالــعَزٍيمَة وَصْلاَتِي عْلَى سِيد الرّْجَال....عْلَى النـَـّــبِي زِِيــنْ التَّسْـــِليمَة الّلِـــي شاغل بَالِي بَنْــتْ حْلال...... مَسْــــكِيــنَة تْرَبـَّــاتْ يتِــيــمَة رَازَقْــهَا ربـّْـنَا بَالجـَـــــــــمَال....من صْـــغُرهَا سـَـاجْيَـــة وَفْهِيمَة كَانَــــتْ تَقْــَرى وتَحْلَم تْنَالْ.....الشَّـهَادَة وتَرْجَــــــع حَكِــــــيمَة ولاَّ مُـــــدرِّسَـة تْعَـــلّم لَجْيَال.....حَبَّت تْعَيـــــشْ حَيَــــاة كَرِيمَة بَصَّـــح فِي حْـيَاتْهَا ذَاقَتْ اهْــوَال...مَالقَــــاتْ فالنَّــاسْ يَدْ رْحِيمَة عَاشَــتْ فَي ضِـــيقْ و اِسْتـِـغلال....مَنْ صْغُرْها دَايـرِينْهَا خْدِيــمَة حَتَى حُــلْمْهَا تْعَــكَّرْ وَكْحَال......وَ سْمَاهَا الصَّافيَة سَكْنَتْهَا غـِـيمَة اِيـــــهْ يَا لُوكَــانْ تَعْــرَفْ شْحَالْ...صْعِيبْ او قَاسِي فْـرِاقْ لَمِّيـــمَة يَا سَـــــــــــايَلْنِي عْلَى لَحْوَالْ....رَيَّـــــــحْتلِي خَاطْرِي بْهَاذْ السِّيمَة هَــــــــذَا هُــــــــوَ جْوَابْ السُؤِالْ....و سَبَابْ غِيَِــــابْ التَبْسِــيمَة نــْــــــــشَالَّــــهْ نْوِيتْ ليهَا لَحْلالْ.....نْوِيــــتْ نَسْــتَرْ هـَـاذْ اليتِــيمة وانَّسِـــــــيِهَا الضَّــــيقْ اُو لَعْلاَلْ....تْولِّـــي في حْيَاتْهَا صَفْحَة قْدِيمَة. كلمات /أحمد كرشوش.