خمسه وعشرين يناير

[مسعدالنحلة]

خمسه وعشرين يناير

ــــــــــــــــــــــــــــــــــ

خمسه وعشرين يناير .. مرِّت عليه سنـــــــــه

ولسه الشعب ثايــــــر .. لمطالبُه المـُعلنــــــــه

بمُحاكمة طاغي جاير .. جرَّع شعبُه الضـَنـــا

نهَب الأموال شكايِّـــــر .. بطريقــه مُقـَننـــــه

وحكومه بدون ضمايـر .. نهبـِت معاه كتيـــر

ــــــــــــــ

وازاى هتكون مُناسبه .. قوميَّه وفيها عيــــد

ولسه فيه مُحاسبــــه .. لناس قتلوا الشهيــــد

ف محاكمة قرن خايبه .. مفهاش قيود حديـد

وحكومه حبالها دايبه .. ما قاليتش شيئ جديد

وشعب حقوقه سايبــــه .. بدون تقرير مصيــر

ــــــــــــــ

إزاى نقوم نشــــارك .. في عيد مهوش سعيـــد

وننسى قوام معـــــارك .. ميِّت فيها الشهيـــــــد

والمخلوع لسه بارك .. في سْرير عامِل مريض

والشعب كله شاكِك .. في منظرُه البغيـــــــــض

وازاى يحاكمـوا سافِك .. دمانـا فوق سريـــــــر

ــــــــــــــــ

إزاى اليوم هنفـــــــــرح .. ومخدنـــاش العَـزا

والدم ف كل مَطــــــرَح .. ومفيش حد انجَــزَا

دا الثوره مش هتنجـح .. وتكون مِتـْـــــــعزِّزَه

إلا امّــــــا الدوله تِفتح .. ملـَـــــف اللي اتأزَىَ

وبالحقيقه تِفضـَــــــــــح .. الخايــن الأجيــــر

ـــــــــــــــــ

عام كامل عدَّى لاكِـــن .. الثـــوره مُستمِـــره

وقطر الحق راكِــن .. عشان ملوهشي قاطره

وطور الساقيه حارن .. خايف من المُخاطـره

واقِف محتار وساكِن .. رغم ان الثوره فِطـْره

بتزور كل الأماكِن .. المغمور والشهيـــــــــر

ــــــــــــــ

صحيح حصل مكاسِب .. بثــوره للشبــــــاب

من حاكِم حُكمُه خايب .. م النادر لو أصـــاب

خلى المال صاحبُه غايب .. وزوِّد ف الغياب

خلـَّى المظلوم يحارب .. بعد ما سف التـُراب

واجه وحدُه المصايب .. من ناس كانوم حِمير

ــــــــــــــ

ثورة مصر العظيمه .. لشعب حقـُه ضـــاع

نفسُه ف حياه كريمه .. مفهاش قهر وضياع

بالإصرار والعزيمــه .. وبرفضـُه الانصياع

قام بالثــــوره الحكيمـه .. أطلق فيها الشعاع

وعمل لنفسُه قيمـــــــه .. بفكرُه المُستنيــــــر

ـــــــــــــــ

إزاى هيجيلنــــا فـَــــرْح .. ولسه لينا تـــــار

وقلوبنا فيها جَـــــرْح .. وقايد كلــُه نــــــــار

وسؤال أصبح مُلِــــــح .. بنقوله ليل نهــــار

ولحد ما صوتنا بَـــــح .. وسكوتنا يبقى عَار

إزاى فـَرَح يصح .. دا التار يا ناس كبيـــر!

ــــــــــــــ

************

[السيد سالم]

ما شاء الله عليك ،، أبدعت،،
احساس راقي وتصوير وتعبير ولا أروع !

د. السيد عبد الله سالم

[مسعدالنحلة]

المشاركة الأصلية كتبت بواسطة السيد سالم

ما شاء الله عليك ،، أبدعت،،
احساس راقي وتصوير وتعبير ولا أروع !
د. السيد عبد الله سالم

أخي المحترم الدكتور السيد سالم
أسعدني وشرفني رأيك الغالى وأدعوا الله أن أظل عند حسن ظنكم دائما
مع خالص تحيتي ومودتي واحترامي