أزَمَـــــــــــــات

[مسعدالنحلة]

أزَمَــــــــات

ــــــــــــــــــ

أزمة بوتاجاز .. أزمة بترول

عاوزين نعرف مين المسئول

ميـــن خلا الأنبوبه توَلـَّــــــع

والأزمه دي تِحْصَـل وتطول

ـــــــــــــــ

ناس بتقول دا السوق السودا

واللي يقـــول إنهــا مقصوده

واللي يقولك أطراف تالتــــه

مدسوسه بينـَّا وموجـــــــوده

ــــــــــــــــ

بس العيب مِتـْغلغِـل فينـــــــا

والأزمه بتحصـــــل منينــــا

لما بتطلع أي إشاعـــــــــــــه

تلقانا ع السلعـــــه جرينــــــا

ــــــــــــــــ

ما نصدَّق تِتقـــال السيــــــره

ونكدِّس كميـه كبيـــــــــــــره

ونفضي السوق خالص منهـا

وف ثانيَّـــــه تِعْلـَىَ التسعيره

ـــــــــــــــــ

أو تبقى المعروضه قليلـــــه

والطوابير قـُدَّامها طويلــــه

واللي يصمِّم يفضل واقِـــف

يمكن يُقـَّـف طول الليلــــــه

ـــــــــــــــــ

والأم المسكينه ف بيتهـــا

إزاى رح تـُطبُخ طبخِتهـا

في الآخِر تضطر تقــدِّم

شيئ بارد من نمليتهــــا

ـــــــــــــــ

والأطفال م الجوع بتزيَّط

وف ديل الأم بتتشعبــــط

واما الجوع يشتد عليهــم

تقعُد جمبيهُم وتعيَّــــــــط

ـــــــــــــــــ

غير طوابير بالمِيت عربيه

قـُدَّام براميــــل مِتعبيَّــــــه

في مخــازن بتبيع بالغالي

في السوق السودا المخفيَّه

ــــــــــــــــ

ومحطات بنزين مقفولـــه

قدامها طوابير وطويلــــه

بتستنى حل من الدولـــــه

رغم ان إيديها مغلولـــــه

ـــــــــــــــــ

والأزمه دايمًا ف زيــــاده

واحنا بنتفرج كالعـــــــاده

والكل بينقـُد وبيفتِــــــــي

ومفيش خطوه بتبدأ جاده

ــــــــــــــــ

والدوله مش ممكن تقـْـدر

وحديها تصلـَّح وتغيَّـــــر

لازم كل الشعب يشـــارك

علشان تقدر مصر تعمَّــر

ـــــــــــــــــــ

**********

[محمد العمرانى]

الازمات؟
الاذى ابدا
عمره ما مات
وان كان مات
ازاى مات
مات كده فجأه
من غير بيب بيب
ولا مارشات
دى اشاعات
طول ماهو عايش
مش هاتشوف
غير تفاهات
او ازمات
أو مجاعات
وابقى قابلنى
ف سجنه ان بات
اللى سرقنا
حرامى الغاز