مِنحه أمريكيــه

[مسعدالنحلة]

مِنحه أمريكيَّــــــــه

ــــــــــــــــــــــــــــــ

لا معونه أوروبيـــــــــه .. لو حتى ميت مليــــــار

تِستاهـِل التضحِيَّــــــــــه .. بكرامِـة الثـُــــــــــوَّار

ولا مِنحه أمريكيَّـــــــــه .. مانعِنها كل شويَّــــــه

مفروضه مــع حُـــرِّيَّــه .. لاكن بدون أحــــــرار

ــــــــــــــــ

مِنحـه بتلـْـوي جناحنــــا .. بالمَـــــــــن والإذلال

بتحُــط مصر ف مِحْنـَـه .. ما بتتقلشي بمـــــــال

بتزيد علينا جروحنـــا .. ويزيد معاها نواحنـــا

دا اللي عملناه ف روحنا .. يتبكـَّــىَ بالمَــــوَّال

ــــــــــــــــــ

بيقدِّمولنا ســــــــلاح .. محسوب مِـن المليـــار

والباقى كـُلـُّه مُبــــاح .. منهوب على الأخيــار

لا راح علـى الإصــلاح .. ولا دعَّـــــم الفــلا َّح

ولا خلـَّــى شعب ارتـــاح .. م الحَوْجَه ليل ونهار

ــــــــــــــــــــــ

وان كان حُمارتك عارجه .. وما تِسْوَىَ عود برسيم

تغنيك مرار الحَوْجَـــــه .. من أمريكانـــــي لئيــــم

مِستني يلقـــــى الحِجَه .. يحقِن سموم بسْرنجــــــه

علشان ما تِقـْدَر تِنـْجَــــىَ .. مِن وضع مُر أليـِــــم

ـــــــــــــــــــــ

دا ان كان غـَداك من فاسَك .. مش مِنحه من ناس تانيه

رأيَّـــــك يكون من راســَـك .. تِـتحدَّى بيه الدُنيـــــــــا

تِقدر تقــــول إحساســك .. وتعلـِّي صوت أجراسَـــك

وتصون كرامِـــة ناسَــك .. وتقيم ضهور محنيَّــــــه

ـــــــــــــــــــــــ

طول عُمْر مصر الخالـْده .. ميهزهاش تنديـــــــــــد

أو تِنحِني لمساعـــــــده .. أو تِخـْشـَىَ من تهديــــــــد

وعشان شموعها القايــــده .. أنوارها دايما ًزايــــده

بتخلـِّــي أي مُزايـــــده .. مكشوفـــــه بالتأكيــــــــد

ـــــــــــــــــــ

************

[(مها ضرار)]

منحة مين يا خواجة
مش محتاجين لحاجة
إديها لحسني في سجنه
لو تقدر إديها لابنه
او حتي لماما سوزان
تطلع بيها علي لبنان
أرجوك يا خواجه إنسانا
سيبنا في عنق الزجاجه
ماتخافش علينا أمانه
كفاياك لزقه و لزاجه
============
الشاعر القدير و أخي الكبير \ مسعد النحلة
سامحني يا استاذي من ابياتي بيئية المستوي
و التي لا تتناسب مع مقام أشعاركم الكريم
و لكن السخرية منهم دعتني لكتابتها استرسالا
تحياتي