واااااااااااااه قدساااااااااااه

[(مها ضرار)]

واااه قدساااه
======
===
==


الضي لسه بيتلضم جوه العيون
يمكن تشوف
يمكن تشوف لون الوجع
اللي اترسم فوق الكفون
أو حتي يلمح طرف شمس بتنتهي ساعة غروب
أو حتي يلمح باقي توبنا اللي اتحرق
و اللي اتفتق و اللي شق من الجنون
الضي لسّه
الضي لسه بيستخبي من نهاره
عايش يصلي
و هوه متمردغ في عاره
مبقتش تفرق دمعتك
عيشي حزينه
أو عيشي ملعونه بلعنتنا و تاوينا
أو ريحينا
أو موتنينا
بس أوعي تكرهينا
لما فيكي نطوف نعسعس جوه ليلنا
و أما خوفنا يكون دليلنا
و أمّا نهدي قدسنا لتراب مداسهُم
و أمّا نشرب قهرنا من ماء كؤسهم
و أمّا نحني ضهرنا قدام رؤسهم
يبقي فين الضي فينا ؟
يبقي لسه مش لاقينا
أوعي مني تزعلي يا بلاد عروبتي
لسّه مش لاقي كرامتي
ضي عيني من هارب
قلتي إيه ؟؟؟
قلتي أحارب
طب بإيه ؟؟
و أنا كل شِبر في أرضي نهباه المناهب
لمّوا الشيوخ فوق المناصب
و بقيت في عزّ صباي شايب
إيدي فيها بس حجره
و الطريق مليان عجايب
اللي راكب خيله فارس
و اللي فرحان بالمجالس
و اللي مالك و اللي وارث
و اللي بايع فيكي هيبتي
و اللي منـّا و بيعادينا
بس أوعي تكرهينا
بس أوعي تكرهينا
أوعي منّي تزعلي يا بلاد عروبتي

[سمر محمد عيد]

بلادي بلادي بلادي..أنت حبي وفؤادي

يا مها..صرختك موجعة ومؤلمة..بس هو في حد سامع..

يمكن الأرض تسمع

وعيون السما تدمع

لكن البشر لا لا

لاحياة لمن تنادي..

وبحبك يابلادي

وانت اوعي تكرهينا

وتزعلي منا يابلاد..

[(مها ضرار)]

المشاركة الأصلية كتبت بواسطة سمرعيد

بلادي بلادي بلادي..أنت حبي وفؤادي

يا مها..صرختك موجعة ومؤلمة..بس هو في حد سامع..

يمكن الأرض تسمع

وعيون السما تدمع

لكن البشر لا لا

لاحياة لمن تنادي..

وبحبك يابلادي

وانت اوعي تكرهينا

وتزعلي منا يابلاد..

غاليتي القديرة \ سمر عيد

نشكو بزفرات الألم و بقطرات الدموع
و نأمل أن يسمعنا أحدا

تحياتي و تقديري

[محمد العمرانى]

الشاعرة القديرة مها
اللى اترسم فوق الجفون وليس "الكفون" اليس كذلك ؟
وكلمة متمردخ دى هل مشتقه من متمرغ ام لها معنى آخر؟
قرأت لك كثيرا فى منتدى آخر واشعارك جميلة وقوية فسامحينى على الاستفسار فهذا لايقل من قدرك

[(مها ضرار)]

المشاركة الأصلية كتبت بواسطة محمد العمرانى

الشاعرة القديرة مها
اللى اترسم فوق الجفون وليس "الكفون" اليس كذلك ؟
وكلمة متمردخ دى هل مشتقه من متمرغ ام لها معنى آخر؟
قرأت لك كثيرا فى منتدى آخر واشعارك جميلة وقوية فسامحينى على الاستفسار فهذا لايقل من قدرك

أستاذي القدير \ محمد العمراني
أشكرك علي الإستفسار لأنه حسن التقصي من أطيب الأمور في القضايا العلمية و الأدبية
و أعتذر إن كنت تأخرت في الرد
كنت أقصد فوق الكفون
لأن العتمة تجعلنا لا نشعر بالخزي عند موت كل عربي أصيل لأننا لا نري في الظلام
و الكفن رمزا لموته بكل الوان الهوان و الإستعباد للحاكم العربي و النفوذ الغربي فتصبح ( لون الوجع اللي اترسم فوق الكفون )

[سلمى رشيد]

لما فيكي نطوف نعسعس جوه ليلنا
و أما خوفنا يكون دليلنا
و أمّا نهدي قدسنا لتراب مداسهُم
و أمّا نشرب قهرنا من ماء كؤسهم
و أمّا نحني ضهرنا قدام رؤسهم
يبقي فين الضي فينا ؟
يبقي لسه مش لاقينا
أوعي مني تزعلي يا بلاد عروبتي
لسّه مش لاقي كرامتي
ضي عيني من هارب

ابكيتني يا مها
والقدس تبكيها الحرائر
القدس تطوي حزنها في داخلها ،، وتبكي ثراها الطهور وقد داسه الصهاينة
ويل من صمت على ما يجري في قدس الأقداس ...
رائعة عزيزتي مها