مثلك مثل هالوطن

[سلمى رشيد]

قَبِّل إيدين وظل إركع لقطر ... حتى تقول إنك مسيح ومنتظر


يعني الجزيرة عندها وجهة نظر


كل ما نقرٍبْ أبعدت بيناتنا !!!

رح يضل الحال هيك بيننا
ومع الجزيرة هاي حالنا ...

[فخري فزع]

هَجَر الوفا ما عاد إلك إحباب.... وتمشيخوا في ديرتك لذياب

فكرك يا سلمى بيعقل المجنون .... برجع مناضل في زمن كذاب ؟ !



لكن عَ مين اليوم بنا نثور ... ما إتسكرت في وجوهنا لِبْحور!

شوفِ العِدا , فوق البرج دربيل ... واطفال تتقاتل على الطبشور !!



لو رجعوا الأوطان للثائر .. أبقى بجنبك دوم بو تامر

ويرجعوا الجنود جوا الحيّ ... وأرجع طفل وأظل أحاجر



لعبة خطيرة وكثّروا الحراس ... وألوان عندي وصادروا الكراس

كيف الصور في ظل لستيطان ؟! ... وكيف العتم نطرد بلا نبراس ؟!!



وليش الأهل تتعيش بالغُربة ؟ ... ونظل نُنفخ في سما القربة

يا نعيش في دولة بسما وحدود ... يا نموت وتشرب دمنا التربة



قَلَبوا المشاهد طُلْ يا ختيار .. ما عُدِتْ تعرف بعد شو تختار !

وين البدائل والبيوت حدود ؟! .. وعَ مين تفتح بعد بيت النار ؟!



لا تقول ( لا تفتح عليهم نار .. وخليك صامد عا حجار الدار

وإن كان عينك صابها التشويش .. إزرع بجواها ألف مسمار )


أسْكُت إذن وأظل محلي ... وبالشكل والتسويف متسلي


وأحط في قلبي صخر جلمود .. وبالعين أغرز ألف إمسلي



والله ما خلوا لنا خطبة .. وما خلوا بركة ميّ لبطة

كلهم بها شيخ ٍ بدا ومختار ! ...ولولا الحَيا لشلحت هالحطة !!



صارت تجارة وصاحبك فلس .. وما عاد فيها الزاد يتغمس

وين الضمير وينها الأخلاق ؟ ! ... والأكل فوق سنانهم كلَّس



والله يا بَيّي الزمن غدار ... والغضب أعمى قلوب هالشطار

هيّني بَلَوِّح فوق تلة عالية .. وبعدي بغازل رعد هالأمطار


الله ما أجمل سحابك يا أخي ... ولا تفكر إني فوق تلة مرتخي

عندي عتاب وحض أيام الصبر ... وقت الفعل الصحاب فيي بتنتخي

[فخري فزع]

المشاركة الأصلية كتبت بواسطة سلمى رشيد

قَبِّل إيدين وظل إركع لقطر ... حتى تقول إنك مسيح ومنتظر

يعني الجزيرة عندها وجهة نظر

كل ما نقرٍبْ أبعدت بيناتنا !!!

رح يضل الحال هيك بيننا

ومع الجزيرة هاي حالنا ...

حتى متى هالحال بدو يضل ... ونقول بعد شهور راح تنحل

من دون وقفة صادقة وإيمان .. ميزان ثورتنا بدا ينخل


شكراً لحضورك الجميل أخت سلمى
كامل التقدير والإحترام

[ثناء حاج صالح]

مثلك مثل هالوطن .....
لم يعد أحدنا يعلم من أين سيتلقاها أو من أين ..
أخي فخري ..دام قلمك الحي ..صادقاً ..وحراً ..
شعر رائع بسيط عميق جميل ..يملأ النفس قوةً .. وحزناً .. وصبراً .. واندفاعاً ...
لكن.. لا أدري لم وجدت نفسي أتخيلك وأنت تلقيه بنفسك .. ..
ربما لأنه شعر مكتوب باللهجة المحكية وهي ذات طابع يختلف من بلد عربي لآخر... فأنا أعتقد أنك لو ألقيته بلسانك وصوتك وأسلوبك لكان أشد تأثيراً .فقراءة الشعر الشعبي من قبل القراء الذين لا يفهمون غوامض وخصائص اللهجة تنقص من جمالياته . في حين أن إلقاءه من قبل الشاعر نفسه قد تضيف إليه الخصائص التعبيرية الصوتية المطلوبة لتظهر روعته ...


تحية تقدير واحترام

[فخري فزع]

الأُخت الفاضلة الكريمة ثناء حاج صالح
جزيل الشكر والتحية على هذا المرور العابق بعبير الأوطان

هو كما ذكرت ، الشعر الشعبي والعامي يتميز بالإيقاع الشفوي ويفقد الكثير عند الكتابة
ومع هذا فهو يمتاز بالقدرة الفائقة على التكثيف والتصوير الخلاق .. وعلى التعبير الصادق عن حالات الإنفعال وتجسيد الحدث بإرتجالية سريعة بأقل العبارات وأبسطها ..

كامل التقدير والتحية أختي ثناء
والله يرعاكم

[فخري فزع]

خُذيني وازرعي بقلبي الأماني

وظلك بابتسامة طمنيني

أنا ضايع ! .. نَفَر مني زماني

رماني الظلم عَتَّمْ لي سنيني

هديه ؟! عُطر؟ ! شو نَفْع ِ القناني ؟ !

وعندي العطر في قلبي ويقيني

ولكن بالحياة أبقى معاني

خيولي مكبلي والريح تزأر

علينا وحاملي سموم وخياني

[سلمى رشيد]

هديه ؟! عُطر؟ ! شو نَفْع ِ القناني ؟ !

وعندي العطر في قلبي ويقيني

ومن عطر قلبك رش رشة
حتى يزيد بهالوطن ايماني
هالوطن يا فخري صديقي
وابوي وابني
وخلي الشعر يحكي
عن هالوطن احلى معاني

ليتني استطيع ان املك القدرة على مجاراتكم في هذا الشعر الجميل
مسا الورد

[فخري فزع]

مساء النور يا سلمى
مساء الوطن والزجل الجميل
واللحن الأصيل

دمت ماجدة في ربوعه وهضابه الشامخة
ويسعد قلبك

[مرام شهاب]

لك طاب ضرب النار طاب هتفو فيها هشباب

كيف بنصفح وعنا مدبح نافخ حاله هلغراب
من يوم يومه وهو جبان عمل وسوى بالبنان
والمصيبه الكل طربان رح نشوي وجهه ونعمل كباب
لك طاب ضرب النار طاب وبعدي ما صفيت حساب
ولي مفكر انه يهرب وسامعله كذبه وبينصب
مش عارف على مين بينصب عارف حاله هلكذاب
ولله لو صنعو عشانه مركبه فضائيه
وطلعوه القمر لأء مسافه خياليه

رح اعمل فيها تجربه هلكوستيه

تترقص على جثته الاسد كلاب

[فخري فزع]

الاُخت الكريمة مرام شهاب
دام نبضك الأصيل ومرورك النبيل
لحن حماسي سريع وجميل ورائع

عاشت سوريا بعزة وكرامة وحرية
وهذا الليل زائل لا محالة
جزيل الشكر والتحية اختي مرام والله يرعاكم

[فخري فزع]

المشاركة الأصلية كتبت بواسطة مرام شهاب

لك طاب ضرب النار طاب هتفو فيها هشباب

كيف بنصفح وعنا مدبح نافخ حاله هلغراب
من يوم يومه وهو جبان عمل وسوى بالبنان
والمصيبه الكل طربان رح نشوي وجهه ونعمل كباب
لك طاب ضرب النار طاب وبعدي ما صفيت حساب
ولي مفكر انه يهرب وسامعله كذبه وبينصب
مش عارف على مين بينصب عارف حاله هلكذاب
ولله لو صنعو عشانه مركبه فضائيه
وطلعوه القمر لأء مسافه خياليه

رح اعمل فيها تجربه هلكوستيه

تترقص على جثته الاسد كلاب

درب النصر إمشينا الدرب ما بينفعو شرق وغرب
ومين بيعدل ذيل الكلب وبالسياسة وبالحوار !!
(واطلع برة يا بشار .. واطلع برة يا بشار )

الله معنا وما بنهاب والله يحفظ هالشباب
والثائر طبعه غلاب وصامد رغم طلاق النار
(واطلع برة يا بشار واطلع برة يا بشار )

ما بلزمنا اُماعات ومحكوم من العصابات
وبنات ومخدرات وماهر بحرث ع الحمار
(وإطلع برة يا بشار وإطلع برة يا بشار )

المفكر نفسه تنين لما الأهبل قالو لين
ضربو الكف عاليمن ودرلو خدو اليسار
(واطلع برة يا بشار واطلع برة يا بشار )

[فخري فزع]

منا التحية وألف رحمة ع الشهيد
حركة جهاد وشامخة وربك شهيد
حيي رجال مقاومة شعبي المجيد
من كل فصيل تجمعوا إيدٍ بإيد
يا حيف علّيِ هادنوا وخافوا الوعيد
ويا حيف علّي ِ توظفوا وباعوا بزهيد
ويا حيف علّي تاجروا وربّوا عبيد
أو حيدوا كُل شهمْ أو شب ٍ عنيد
ويا حيف علّي هِمتو جمع الفلوس
وكل ما دعيّتو قال خليني بعيد