ما الحب اللا لـ.... (إلك يا دُنْيَا)

[محمد خطيب]

تحياتي للجميع! انا محمد خطيب من قرية عرابة البطوف بالجليل الاسفل "فلسطين المحتلة"
رح إبدا بهالموضوع انشالله انو يكون قد المقام!!
***

دُنيا يا دِنيا في حياتي مدللي = بْحُبِّك انا نيران قلبي شاعلي
محمد انا وبالشعر سْيد المَغْزَلي = بْقُلِّك شعوري تَـ الحقائق تِنجَلي
نَقِّل فؤادك حيث شئت من الهوى = ما الحب اللا للحبيب الاولي

[محمد خطيب]

دنيا يا دنيا يا ضمير السوسنة = يا هيكل الأبيض عَ ريشة مُنْبَنِي
بصبحيّة الأضحى وعلى راس السنة = تمنّيت شو تمنّيت شغلة هيّنة
تَـ يِسْعَدُو كل البشر يا ريتها = متلك بتطلع إسم عَ مسمّى الدّني

[محمد خطيب]

يا ناطرة بالليل وَعْدي المُنْتَظَر = مثلك ما شفت ولا بعد شافو البَشَر
وحدك بْنُص الليل في خِفِّة وحذر = نْطَرتي طلتي ومِثلك مَا َحد نَطَر
امحي الكِتابي عن عامود الكَهْرَبا = وعِ رِمِش عَيْنِك اكتبي هون الخَطَر

[إياد حياتله]

محمّد حبيب الشعب لَ عنّا لفى=خلّى أبو عاطف على قدومو احتفى
لمّا سمعت شعرك أيا إبن الوفا=راح البرد من غرفتي وهلّ الدفا
والكهربا من شافتو ضوّها خجلْ= لملم كلاكيشو وعتّم وانطفى

أنا أبو عاطف السجراوي من السجرة بالجليل الأسفل كمان وكنت بمخيّم اليرموك
وإسّة بآخر الدنيا

[هبة الأغا]

المشاركة الأصلية كتبت بواسطة إياد حياتله

محمّد حبيب الشعب لَ عنّا لفى=خلّى أبو عاطف على قدومو احتفى
لمّا سمعت شعرك أيا إبن الوفا=راح البرد من غرفتي وهلّ الدفا
والكهربا من شافتو ضوّها خجلْ= لملم كلاكيشو وعتّم وانطفى

أنا أبو عاطف السجراوي من السجرة بالجليل الأسفل كمان وكنت بمخيّم اليرموك
وإسّة بآخر الدنيا

أهلاً بالأخ محمد
والأخ السجراوي

ي االله قديش بحب أسمع كلمة " اسة "

تحياتي للجميع
ولكل القادمين من الشمال والمشتتين في أنحاء المعمورة

[محمد خطيب]

أبو عاطف تحياتي وشكرا كثيير عالرد!!
وهبة الاغا الف شكر عالرد!!
وللثنين هذا شرف كبيييير ووسام بعلقو على جبيني بانو تمتمتي نالك إعجابْكو!!!
***

يا أبُو عَاطِف بِالشِّعر ما بْتِنْوَصَفْ = إلّّلا بْرفيق الحَرْف والوَزْن إنْتَصَف
وْلـَ بنت أغا هبة الوَرْد إنْرَصَف = وشِعْري أميرة حَرْف إبْدَاعِك وَصَف
حجم المحبة اللي بقدمها لِكُن = بحجم الرياح العاصفة بْوقت العَصَف

[هبة الأغا]

المشاركة الأصلية كتبت بواسطة محمد خطيب

أبو عاطف تحياتي وشكرا كثيير عالرد!!
وهبة الاغا الف شكر عالرد!!
وللثنين هذا شرف كبيييير ووسام بعلقو على جبيني بانو تمتمتي نالك إعجابْكو!!!
***

يا أبُو عَاطِف بِالشِّعر ما بْتِنْوَصَفْ = إلّّلا بْرفيق الحَرْف والوَزْن إنْتَصَف
وْلـَ بنت أغا هبة الوَرْد إنْرَصَف = وشِعْري أميرة حَرْف إبْدَاعِك وَصَف
حجم المحبة اللي بقدمها لِكُن = بحجم الرياح العاصفة بْوقت العَصَف

الله الله يا أخ محمد

لك جزيل الشكر وأطيبه .. ولعرابة الجميلة التي أنجبت ولازالت تنجب ,, كل الحب

تقديري

[محمد خطيب]

عَرَّابْيِة قَرْية إنْبَنَت عَ تْلالْهَا = قْصُور المَحَبِّة خِيَم لَ إجْلالْهَا
ولَ هبة الأغا الشَّاعِر إلْ غَنَّالْها = غنى لْكَرامة أرْضك وْمَوَّالْها
ويا بنت أغا اسمعي شو رح بقول = إل خلقت بأرض الوَطَن يا نيالها

العفو ولو هذا واجبنا!!!

[هبة الأغا]

أخجلتم تواضعنا أخينا محمد

ولكاتب الشعر ابن عرابة .. كل التحية

[عيسى عدوي]

شعشع براسي الشعروالمجلس حلي = لما بدر أقلام بمحمد عِلي
وبعدا خيوط الشمس عم تضحك إلي = وترسم على تراب الوطن مستقبلي
وللي ع أرض جدودناعاش وصبر = ببعت سلامي اليوم تا يوصل هلي

أهلا وسهلا بك أخي محمد في أقلام العزيزة ...نتمنى لك طيب الأقامة بين اهلك وذويك

[محمد خطيب]

هلا بكل العدوية والله!! تحياتي

بْوَصِّل سَلامك عَ جْناح النْسُور = كْرامة لَ عيسى إل على أرْضُو غَيُور
لكن يا عيسى قول عَ مر الدَّهور = إنت من أي بَلَد من أيَّ زْهور
دخلك جاوبني عَ سؤالي؛ وسلامك = برسل كرامة إلَك عَ كل الطُّيور