أنا قلت ايه يا بلد

[محمد جاد الزغبي]

أنا قلت ايه يا بلد
والله عليه العوض
فى الحكم لما يهون
ويمسكه المجنون
بسنين من غير عدد
والله عليه العوض

وبلدنا من غير ناس
فيها عبيد تنداس
تحلم بلقمة عيش
ما هى كلها حرافيش
وتجيب منين الولد
والله عليه العوض

مين قال دى مصر النيل
أُم التاريخ موصول
مين قال دى مصر النور
فيها الحجارة تثور
لو يوم حاكمها اتعبد
والله عليه العوض

ليه الإرادة خلاص
راحت مع الإخلاص
ليه الكلام مكسور
يطلع ذليل بالدور
غابة وحاكمها أسد
والله عليه العوض

يا بلاد عيشتها سواد
بتموت فى الاستعباد
عايشين ومش عايشين
وخسرتوا دنيا ودين
لازمتها ايه يا بلد
والله عليه العوض

ايه معنى كلمة حق
معناها قولة لأ
فى وش أى جبان
متخفي بالسلطان
وفاكرها ليه للأبد
والله عليه العوض

ايه معنى كلمة موت
معناها فى الملكوت
غاية الجبان بندامه
قدر الجرئ بكرامه
ميموتش فيه غير جسد
اخترتوا ايه يا بلد

[عيسى عدوي]

أخي الكريم الشاعر محمد جاد الزغبي حفظه الله
تشرفنا بوجودك في منتدى الشعر العامي والنبطي ونأمل أن نراك بيننا كثيرا لنستمتع بهذا الأبداع
قصيدة جميلة جدا ...وعلى الوجع كما يقولون ...فقط لي عليها ملاحظة بسيطة قبل التثبيت ...لوكان حاكم الغابة أسد ..لما وصلنا لما نحن فيه ...مع خالص التحية...

[محمد جاد الزغبي]

أستاذنا القدير عيسي العدوى
بارك الله فيك يا أخى الكريم
ووجودى بينكم وجود التلميذالى جوارالأساتذة
حقا لا أملك الا التقدير الكامل لتثبيت القصيدة أو المقطوعه

فقط لي عليها ملاحظة بسيطة قبل التثبيت ...لوكان حاكم الغابة أسد ..لما وصلنا لما نحن فيه ...مع خالص التحية...

وماذا لو علمت بطبع الأسود أنها لا تصيد لنفسها بل تنتظر اللبؤه التى تتولى اطعام ذكرها طيلة حياتها وهو جالس للمضاجعه
وهو نفس الطبع الذى يسلكه بعض البشر للأسف الشديد
اضافة الى أنها اللبؤه هى التى تختار ذكرها وليس العكس
ناهيك أن شريعة الغاب أعطت للأسد الزعامة بفضل القوة لا بفضل الطباع هى شريعة الغاب يا سيدى
عافانا الله منها

[إياد حياتله]

مرحبا بكم أخي محمد
نورتم المنتدى

[محمد جاد الزغبي]

بارك الله فيك أخى الكريم اياد
وشكرا جزيلا لترحابك