عيد العمال/ اول ايار (للشاعرطليع حمدان)

[محمد خطيب]

طَلَّيْت يا أيَّار بَعْد الإنتِظار = تْوَشْوِش نسيم وْتِرجع تفلفش خَضَار
وكل العراوي الْ بعدهن ما تْبَكَّلو = بإيدك يا شهر الورد جبتلهن زرار
ونيسان لما ودَّع العمر الحلو = قلَّك بِنَهدات الزنابق والاقمار
ما اسعد العمر وبكون بأولو = ما اتعس العمر وبآخر يوم صار
بس بجمال الوطن وبْشَعبو الغني = لا بْيذبلو ولا بيخلصو أزهارنا
وصْنوبرتنا الْ مجدها ما بينحني = بتضلها مثل العروس بْدارنا
معليش يا نيسان لو عمرك فني = مثل ما قبلك فني أذارنا
أعمار الشهور بْيرجعو بثاني سني = ونحنا منين بْيرجعو أعمارنا
أيار إضحك للخيام وللقصور = وْزَهِّر بوديان الدِنِي وجبالها
زنود الشجر لاقوك عَ هز الخصور = والارض بالعمال هَنِّت حالها
ما اجمل العامل بساتينو يزور = ويضيع بين كْرومها وشلالها
ويقشع ندي بعد الشتِي محَّى السطور = عم يكتب الكلمة الْ بعد ما قالها
ويقشع مهدي رايحة تشيل الصخور = ونحَّات عينو من الحجر ما شالها
ويقشع فْراشة حول زهرة عم تْدور = مثل رقبة وحول منها شالها
ويقشع حديقة عاشقة ساقي غيور = مثل زوجة وعاشقة رجالها
وجدول ييجي من بعيد يوقع بالنهور = مثل الصبية اللي وقع سلسالها
وفلاح عم بِيْفتح شْبابيك نور = بْشجرة طلع لَ عْبَابْهَا تَيْطالها
تَتصير لما العاصفة عليها تزور = مثل مهرة وراكضة بْخَيَّالها
وفلاحتو راحت تفتش عَ السرور = بْطُهر الطبيعة الْ عُطُرها راسمالها
من الزعتر الْ ع ثيابها خلا عطور = بيغارو عطور الربيع قْبالها
وللبيت ترجع اول طْلوع لِ بْدور = وتبقى الطيور مْكَمَّشي بِخْيالها
وخْيال فلاحة على سرير الزهور = بْيشبه خيال الام عَ اطفالها
بْهَنِّيك يا عمال يا عايش هالشعور = وارض المحبة فيك يا نيالها
هيدي أرضنا الْ عشقتها الدهور = أرض الإله الْ حبها وغنالها
أرض منقوشة بدعسات الطيور = والهن عليها ذكريات الاله
إيَّاك تتركها حرام تصير بور = الارض الْ بلا عمال ما فيها حياة

***
"طليع حمدان"

[محمد خطيب]

إلى المشرف العام المحترم!!"إللي عَدَّل عنوان هذا الموضوع"
هذا الموضوع ما بتسمى "منقول" لانو مش منقول هذا انا سمعتو وكتبتو ونزلتو هون بالمنتدى!!
منقول يقني منقول من منتدياتي ثانية او من محل ثانية!!
ارجو حذف كلمة منقول!!
وابقاء العنوان
(عيد العمال/ اول ايار "طليع حمدان")


تحياتي........ محمد خطيب

[عيسى عدوي]

الأخ الحبيب محمد حفظه الله

منقول في أقلام تعني أن المشاركة ليست من كتابة المشارك نفسه ..

ونحن هنا لا نقبل إلا مشاركات من نفس المشاركين ...وما عدا ذلك ...فهو منقول ...عندما يذكر إسم الشاعر وإن لم يذكر ..فهو منحول ....ولو لم تكتب إسم طليع حمدان ...في آخر المشاركة ...لتم شطب الموضوع من أساسه ..أرجو أن تكون الأمور قد أصبحت واضحة .....مع خالص التحيه ....

[محمد خطيب]

مش عارف شو بدي اقول!!
..................................