رباعيات...حسن النوبى

[حسن النوبي احمد]

ما زلت احاول نهج نُهُج الراحل صلاح جاهين وما زلت فى امس الحاجه الى ارائكم فى اعمالى ...

سبحان من قسم ارزاقنا وما بخلش علينا
وادانا من رحمته وكرمه ملو ايدينا
لكن احنا عجبى...
حتى التراب مايملى عينينا
وعجبى

أه ياعجبى يا ابو العجاب
ليه كده مليت سماي ضباب
وانا حابكى ليه وانوح ليه
مانا كده كده مليان عذاب
وفى الاخر مسيرى التراب
وعجبى

مشيت ياقلبى فى سكة المغرمين
ورجعت ياقلبى شايل قلبك حزين
بس اصبر ده ماعاشش فى الدنيا ظالم
ولا مات م الظلم المظلومين
وعجبى

قالولى الصبر للى صبروا قبلك عبا بحور
قلت لهم خلاص ماهو جه عليا الدور
حاعيش بعذابى والالامى وجراحى
حاعيش مذلول مهزوم مكسور
وعجبى

اتجرحت ياقلبى ومالكش ذنب
حبيبك ياقلبى خان الحب
بس حيرجع تانى بدمع عينه
واوعى وقتها ياقلبى يطلع لك قلب
وعجبى

[د. فوزى ابودنيا]

دق ازميل الزمن على عمرى دقة.. قلت له لا
قام مد ايده وذقنى ف صدرى زقة...قلت له لا
قالى يابن ادم يالى مافيكش غير لسان اسكت
مكتوب عليك تندق راسك لحد ما تروح ف دقه


صباحو رباعيات

[د. فوزى ابودنيا]

ساعات اغنى للوطن يطلع غنايا حزين
كل اما انادى ع الغنا يطلع غنايا انين
وساعات بتاخدنى الساعات لساعات
معرفش ايه قصدى ولاانا اطلع مين

[حسن النوبي احمد]

وطنا عمره ماكان اخرص لكنه سجين
لازم احنا نحرره لكن تنادى على مين
ما ندايا زى غناك وعجبى كل العجب
على السنتنا اللى من يوم الدين
متلجمين ...
وعجبى



صباح الرباعيات

[حسن النوبي احمد]

عجبى على البنت بالجنز والبرمودا
عجبى على الولد اللى لابس عالموضه
عجبى على الشباب اللى حيكافح ويثور
عجبى ده احنا بكره وقعتنا سوده
وعجبى

[احمد النوبي احمد]

عجبى على البنت بالجنز والبرمودا
عجبى على الولد اللى لابس عالموضه
عجبى على الشباب اللى حيكافح ويثور
عجبى ده احنا بكره وقعتنا سوده
وعجبى


جميلة يا حسن ولا عجب

[كفا الخضر]

الشاعر حسن النوبي
مرت هنا لابي اعجابي بالفكرة والاسلوب
تمتلك روحا شاعرة ة اصرارا على الابداع
تحياتي لك وللشاعر فوزي ابو دنيا

[حسن النوبي احمد]

كفا الخضر
بعد التحيه العطره
اشكر لك مرورك ... واشكر لك وصفى بكلمة شاعر...ولكنى لا زلت فى بدايتى ...

[رولا زهران]

ررائع
جدا اسجل اعجابي
انا لااعرف هل تريد هنا شعر او فقط كلام عجبي بشئ
عجبي أولئك الأبطال والجنود

ألذين يعملون بصمت وإخلاص، لا يريدون جزاء ولا شكورا



عجبي. أولئك المنافقون الذين

يدعون..
الحب والاحترام وهم منه ماتبرؤن
عجبي. ذلك الأنسان
لا يتكلم إلا بالخير، وإذا قابلك سبقك بتحية الأسلام، وإذا تحدث إليك
تمنيت لو حديثه
طال لما فيه من أدب وصدق الكلام.



عجبي أولئك الرؤساء

والمسؤولين الذين يتسابقون لنجدة ومواساة مواطنيهم إذا ما حلت مصيبة أو كارثة في

أوطانهم أو بلدانهم، يشرفون بأنفسهم على عمليات الأنقاذ ويتحملون المسؤولية

الكامله، مما يكون له الأثر الطيب على نفسية ومعنويات أولئك المنكوبين.
عجبي لا ارى مثلهم في دول الإسلام

عجبي أرى أهلنا وشعبنا

الصابر في رفح وخان يونس وغزه، تدمر منازلهم وتجرف أشجارهم ومزارعهم

وقد فقدوا كل شيء ـ إلا كبريائهم وشرفهم وايمانهم ـ ولم يجدوا أحدا يقف بجانبهم
.. عجبي واإسلاماه..؟؟
عجبي وا معتصماه


عجبي كيف خرج الشعب

اللبناني بجميع فئاته وعلى رأسهم رئيس الدوله والوزراء والنواب والقاده

والأحزاب لاستقبال أسراهم العائدين من الأسر في السجون الأسرائيليه ، ومدى

الترحاب والتقدير الذي لاقوه من شعبهم، تكريما واعترافا بالجميل لهؤلاء الأبطال

. عجبي

[إياد حياتله]

[حسن النوبي احمد]

عجبى على الدنيا اللى كلها سياسه
انا سبت الكلام فى السياسه للساسه
انا تملى باقول عجبى على دنيتنا
اللى على رقابينا دواسه
وعجبى

( الساسه ) جمع تكسير لكلمة سياسى

لا احب الكلام فى السياسه او الكتابه فيها !!!!!!!!!!!!!!!!!! ولا اعلم لماذا