ياكلمتى ........

[د. فوزى ابودنيا]

ياكلمتى.....
هزى مراجيح المخاض
يالا اخرجى
زيحى تبايرح المحن
وانفضى عنك وسادات الكفن
كونى فجر ان له زمن
طلى براسك
اخرجى
خجلانه ليه
مانتيش لاسمح الله عفن
ولانتى بنت سفاح
مازلتى بكر
وطعمك التفاح
مركبتى اللى بعبر بيها الزمن
انتى لشراعها رياح

[عيسى عدوي]

الكلمة هي الأمل ...يطلع ويتخبى
واما يجور الزمن ..في القلب يتعبا
ينفخ طبول الوجع ...حتى يموت الصبر
وف لحظة يصرخ فؤادك ...
دلوقتي جاني الأمر
تلقى الجبل ينحني ..للزفرة حتى تمر
والكلمة تصبح.. ..جبل ..
يكبر معاها الأمل ..
يسبقها لما تمر ...
تمشي المراكب ..عِدل ...
تحمل معاها الحلاوة
للي شِبع م المُر ...
والقلب يصبح حر ..


أخي فوزي ..تحيتي لأبداعك المتجدد

[د. حورية البدري]

وامَّا كلامَك يِتْوَلَدْ
بيه تِتْنَجَد
وتشوف بلاد وبحور وِوَرْد
وتشوف صحاب وأمان وِوِدْ

لَمَّا كلامَكْ يِتْولد
يِبقى استعِدْ
لنهار جديد وَيَّا الحياه

**

تحياتي أخي الفالضل د. فوزي ابو دنيا
دام جميل الإبداع

[د. فوزى ابودنيا]

المشاركة الأصلية كتبت بواسطة عيسى عدوي

الكلمة هي الأمل ...يطلع ويتخبى
واما يجور الزمن ..في القلب يتعبا
ينفخ طبول الوجع ...حتى يموت الصبر
وف لحظة يصرخ فؤادك ...
دلوقتي جاني الأمر
تلقى الجبل ينحني ..للزفرة حتى تمر
والكلمة تصبح.. ..جبل ..
يكبر معاها الأمل ..
يسبقها لما تمر ...
تمشي المراكب ..عِدل ...
تحمل معاها الحلاوة
للي شِبع م المُر ...
والقلب يصبح حر ..


أخي فوزي ..تحيتي لأبداعك المتجدد

اخى الغالى الاستاذ عيسى
اجبرنى كلامك الجميل على الكلام وانا كنت ناوى الصمت

ه

مس كلامك صب
سهم الامل ف القلب
قايم نافضنى نفض
رافض بكل الرفض
كل الخنوع والذل
حالف يلم الكل
يزرع فى ارضك فل
مد ايديك ويايا
ياخويا يالى معايا
يالى حكايتى حكايتك
والقصد كان غايتك
ارفض تسلم رايتك
ان كان ف قلبك نبض
هنقوم ونحى الارض
نحمى الشرف والعرض

[د. فوزى ابودنيا]

المشاركة الأصلية كتبت بواسطة د. حورية البدري

وامَّا كلامَك يِتْوَلَدْ
بيه تِتْنَجَد
وتشوف بلاد وبحور وِوَرْد
وتشوف صحاب وأمان وِوِدْ

لَمَّا كلامَكْ يِتْولد
يِبقى استعِدْ
لنهار جديد وَيَّا الحياه

**

تحياتي أخي الفالضل د. فوزي ابو دنيا
دام جميل الإبداع

الاديبة الرقيقة د.حورية
دمتى بكل ود وخير

تايهه ياكلمة الحق منى
وف الصمت
ماضغنى السكات
ميت وانا حى
طول م الكلمة..
والاحساس......
..........................اموات

[إياد حياتله]

[د. فوزى ابودنيا]

المشاركة الأصلية كتبت بواسطة إياد حياتله

اخى الحبيب اياد
افتقدك عندما تغيب عن صفحتى وتفتقدك هى ايضا معى
دمت بمحبة

حبيبى الكلمة راس مالنا
لكن ديابة واقفلنا ف الف طريق
بترسم خوفنا فى عيونا
وتبان بينا بشكل برىء
وتطلع لينا ف العتمة
تخوفنا وتنهرنا
وتقتل فينا احلامنا
بقلب جرىء
تبات الكلمة وجعانى
واقول يانى
الاقى الدنيا نسيانى
والاقى التوهة وخدانى
لبحر غريق
والاقى مركبى مكسر
وقلبى ف صدرى يتحسر
والاقى الحزن فيا رفيق
يبكنى ف وقت الضيق
مالاقى جنبى اى صديق
وتطولى بينا يارحلة
فى زمن وحلة
وليالى كلها كحلة
ندور ع الوطن نلاقاة
خرابة والدياب ساكناه