العيب فى مين؟

[د. فوزى ابودنيا]

العيب فين


اتخمرت جوايا المعانى
بطنى مش اوسع م الخلا
سيبو الكلام يطلع منى
ريحته هتبقى مسك
القلب يبكى حجارة
من قسوتك يايام
نازلة ع الخد مرارة
بحرين من الالام
دموعى مداد القلم
مابيكتبوش افراح
رسمين طريق ف العدم
اشواك وكله جراح
يامعلمين الشوق فيا
هى دى هيا..!
ولا مش هيا...!
ساعات بتبقى حنين
وساعات تكون تنين
ف حالة غضب
عشقى اللى داوا السنين
ماقدرش يعرف حالتها
ماعرفشى يداويها
كلامى اللى كان طاووس
وياما طاطا الروس
ماقدرش يطوى راسك ف احضانى
ياهل ترى...!
العيب ف مين؟
فيا .......ولا فيكى....!
ولا فى كلامى
واحساسى بيكى.....!

[عيسى عدوي]

نفسي يا فوزي ف يوم
ننسى كلام العيب
واللي يقرب ناحيته
نديله بالقباقيب
اصل الحكاية ..عبط
والسر في التركيب
إحنا ترسمنا غلط
ومالناش في الترتيب
وعقولنا زي الزلط
محتاجه للتدريب
قاعدين نسوق العبط
نشتم بلا تهذيب
والسكة واضحة وسليمة
قلوبنا عارفاها ..
لكن يا صاحبي الزمن
خلانا ننساها ..
نجري عينينا مغمضة
واللحظة .سارقانا ..
نسال عن العيب ...نفقده
والذلة ...جوانا ...


أخي فوزي ..أيها المبدع الرائع .....أشعل شمعتك ...ولا تلتفت للوراء ابدا ....
دمت سالما غانما

[د. حورية البدري]

إذا ما وْقِفنا نِتْسائِلْ
لا يوم ح نقابِل الأحلام
ولا نِوْصَل لِشَط النيل
...
ما فيشْ فينا
ولا في بَهِيَّه أَصلاً عيب
ومَهما يحاوِل التَغريب يبَعّدنا
بِنِتلاقَى
ونِزرَع قمح مَصراوي
لا بِيعاني مِنْ التَهجينْ
ولا اتْسَمِّمْ مِنْ التَلويث بِكِيماوي
...
مصير الخطوَه تِتْلاقى
ونِرْجَع تاني زَي ما كُنَّا وَيَّاها
عِيال قادْرَه على الأحلام
وقادْرَه بين إدين الأُمْ تِتْشاقى
لا بِيْهَدِّدْها أَنكِلْ سام
ولا فيه اعمامْ عِمَتْ
حاربِتْ أهاليها
وِوَيَّا اللي ف إيديه الدَم ؛ عاقْدَه سَلامْ !

**

تحياتي أخي الفاضل د. فوزي ابو دنيا

ودام جَميل الإبداع

[د. فوزى ابودنيا]

المشاركة الأصلية كتبت بواسطة عيسى عدوي

نفسي يا فوزي ف يوم
ننسى كلام العيب
واللي يقرب ناحيته
نديله بالقباقيب
اصل الحكاية ..عبط
والسر في التركيب
إحنا ترسمنا غلط
ومالناش في الترتيب
وعقولنا زي الزلط
محتاجه للتدريب
قاعدين نسوق العبط
نشتم بلا تهذيب
والسكة واضحة وسليمة
قلوبنا عارفاها ..
لكن يا صاحبي الزمن
خلانا ننساها ..
نجري عينينا مغمضة
واللحظة .سارقانا ..
نسال عن العيب ...نفقده
والذلة ...جوانا ...


أخي فوزي ..أيها المبدع الرائع .....أشعل شمعتك ...ولا تلتفت للوراء ابدا ....
دمت سالما غانما

نفسى ياصحبى ف نفس احلامك
نفسى ف باب يفتح على بابك
والايام ترسم قدامك
اجمل فرحة
واجمل حلم

[د. فوزى ابودنيا]

المشاركة الأصلية كتبت بواسطة د. حورية البدري

إذا ما وْقِفنا نِتْسائِلْ
لا يوم ح نقابِل الأحلام
ولا نِوْصَل لِشَط النيل
...
ما فيشْ فينا
ولا في بَهِيَّه أَصلاً عيب
ومَهما يحاوِل التَغريب يبَعّدنا
بِنِتلاقَى
ونِزرَع قمح مَصراوي
لا بِيعاني مِنْ التَهجينْ
ولا اتْسَمِّمْ مِنْ التَلويث بِكِيماوي
...
مصير الخطوَه تِتْلاقى
ونِرْجَع تاني زَي ما كُنَّا وَيَّاها
عِيال قادْرَه على الأحلام
وقادْرَه بين إدين الأُمْ تِتْشاقى
لا بِيْهَدِّدْها أَنكِلْ سام
ولا فيه اعمامْ عِمَتْ
حاربِتْ أهاليها
وِوَيَّا اللي ف إيديه الدَم ؛ عاقْدَه سَلامْ !

**

تحياتي أخي الفاضل د. فوزي ابو دنيا

ودام جَميل الإبداع

انا بسئل عشان اوصل
وانا ف سكتى تايه
دروبى كلها ضلمة
وتايه عن عينى العنوان
لانا شايف خطا السكة
ولاعارفلى حتى زمان


اختى الغالية د. حورية
دمتى بخير وسعادة
اسعدنى تواصلك الجميل
كما اسعدنى تواصل اخى الاستاذ عيسى

ورغم عودتى مجهد متعب الا انى فضلت ان ارد عليكم الان

تقبلو محبتى واحترامى وتقديرى

[إياد حياتله]

نفسي أرد عليكو بشعر

لكن
مش عارف إيه اللي حصل لي
قٌلت يا واد
خلّيها لبكرة
بلكي الشعر أبوابه فتح لي

[د. فوزى ابودنيا]

المشاركة الأصلية كتبت بواسطة إياد حياتله

نفسي أرد عليكو بشعر

لكن
مش عارف إيه اللي حصل لي
قٌلت يا واد
خلّيها لبكرة
بلكي الشعر أبوابه فتح لي

ههههههههههههههههه
محبتى لك
خليها لبكرة وانتظرك يالغالى