قلب مقتـــــــــــــــــــــــــــــــول

[د. فوزى ابودنيا]

قلب مقتول

اللص نايم ف الدرة
والديب بيحرس ف الغنم
واحنا اتخرس فينا اللسان
ولاعدش فينا ولد همام
عنتر سحب سيفه وجرى
وابو زيد ركب قطر البنات
والامنيات
ومعدش حد الا وسلم بالسكات
لما الولد اصبح حطام
البنت سحبت قلبها من قلب شاله
وراحت تبيعه واهلها لقلب شايب
واتمخترت بنت الاصول
على توب عفاف اصبح نجس
ولاعدشى تانى يتلبس
ياجلد وشى يامسلوخ م الخجل
فضلى ايه ابكى عليه
وانت اللى مرمى فوق حصون متكسرة
يامغربية ياللى جاية تفرشى
ف قلب ليل مابيختشى
وطفيتى شمعة النور للنهار
للمجروحين رفضا الدوا
ع المكسورين عاملة حصار
واما اشتكى قلبى المرار
من حلم مزنوق لم قدر يوم على الفرار
سحبتى منه الحلم
قام ضخ الالم
يسرى ف جسمى الف ليل من غير نهار
اركن بقلبى ع الحيطان
لم تحتمل
ينهد فوق راسنا الجدار
يامحنيين وش الليالى بالضلام
زفيتو فرحه قلبنا ليه ع العدم
جوازة تمت ع الورق
والكل قبلو يشهدو
ويوقعو
فوق القسيمة المجرمة
اللى بتفسد فى جميل الازمنة
مابين سكات وهمهمة
ضاع الولد
وسط البلد
صوت الحقيقة ليه انخمد
ومفيش عَنَد
غير قلبى هو اللى رفض
وكان جزاته يترمى
مقتول ولم فيه الرمق

[د. حورية البدري]

دُمت مُبدِعاً أخي الفاضل د. فوزي ابو دنيا

تحياتي

[إياد حياتله]

أخي د فوزي
أخذني بهاء كلماتك اليوم وتركني بلا رد
سوى أن أقول
دمت مبدعا أيها الرائع

[د. فوزى ابودنيا]

المشاركة الأصلية كتبت بواسطة د. حورية البدري

دُمت مُبدِعاً أخي الفاضل د. فوزي ابو دنيا

تحياتي

اختى الفاضلة د. حورية
اسعدنى مرورك الذى اضفى روح على عملى المتواضع
تقديرى لكى

[محمود العريان]

ضاع الولد
وسط البلد
صوت الحقيقة ليه انخمد
ومفيش عَنَد
غير قلبى هو اللى رفض
وكان جزاته يترمى
مقتول ولم فيه الرمق
الجميل دائماً
المبدع د. أبو دنيا
ليست قرائتي الأولي لهذا النص ولكنني لا أراه إلا وأنجذب لإعادة قراءته
دمت مبدعاً
وانشاء الله لن يضيع الولد ولتبقي لنا البلد
حبي وتقديري

[عيسى عدوي]

أخي فوزي ...

نفسي الغنم ..تفتح عيونها ف يوم
وتبص حولها وتعتبر
كيف الديابة بتنتصر
الخوف ما فيش
ما بتختشيش
تلقى الغنم مستنية
راعي يصد المعتدي
ومسلماله أمرها ..
لكن ياويلها وحرها
الراعي ديب ...شيخ الديابة
وهو أول معتدي ..والغدر منه بيبتدي
إمتا الغنم تصحى ..
وتهجم مرة واحدة ..وتعتدي
نفسي

[د. فوزى ابودنيا]

المشاركة الأصلية كتبت بواسطة إياد حياتله

أخي د فوزي
أخذني بهاء كلماتك اليوم وتركني بلا رد
سوى أن أقول
دمت مبدعا أيها الرائع

ياعمنا اياد
فينك وحشنى
لاحرمنى الله منك ولا من مرورك الجميل
وتشجيعك الدائم لى

[د. فوزى ابودنيا]

المشاركة الأصلية كتبت بواسطة محمود العريان

ضاع الولد
وسط البلد
صوت الحقيقة ليه انخمد
ومفيش عَنَد
غير قلبى هو اللى رفض
وكان جزاته يترمى
مقتول ولم فيه الرمق
الجميل دائماً
المبدع د. أبو دنيا
ليست قرائتي الأولي لهذا النص ولكنني لا أراه إلا وأنجذب لإعادة قراءته
دمت مبدعاً
وانشاء الله لن يضيع الولد ولتبقي لنا البلد
حبي وتقديري

استاذ محمود
صلحت البتين اللى ماكنوش عاجبينك

البنت سحبت قلبها
وريح ودها من قلب شاله
وسابت دموعه لوحدها
............ تواسيه ف حاله
وراحت تبيع قلبها مع اهلها
................... لحد غيره

تقديرى لك ومحبتى

[د. فوزى ابودنيا]

المشاركة الأصلية كتبت بواسطة عيسى عدوي

أخي فوزي ...

نفسي الغنم ..تفتح عيونها ف يوم
وتبص حولها وتعتبر
كيف الديابة بتنتصر
الخوف ما فيش
ما بتختشيش
تلقى الغنم مستنية
راعي يصد المعتدي
ومسلماله أمرها ..
لكن ياويلها وحرها
الراعي ديب ...شيخ الديابة
وهو أول معتدي ..والغدر منه بيبتدي
إمتا الغنم تصحى ..
وتهجم مرة واحدة ..وتعتدي
نفسي

دوما ياتى تواصلك على اعمالى كما نفسك الشفافة
كلنا نفسنا
والامر لله من قبل ومن بعد

تقبل تقديرى العميق لك ومحبتى