إسْتِسهال ! ...

[د. حورية البدري]

آه لو كان الظُلْم البَيِّنْ
يِصْبَحْ هَيِّنْ
في عنين غاويَه تْسَطَّحْ كُلْ ناموس الكون

والداعي لسبيل الله يِصْبَحْ مَلْعون
والمُجْرِمْ .. والقاتِلْ لينا ..
والسارِقْ للنورْ حَوالينا ؛
يلتمسوا لُه العُذْر
ويمكِنْ
إحنا اللي عملناه مَأفون !
...
آه لو كان الظُلْمْ البَيِّنْ
يِصْبَحْ هَيِّنْ
عُمْرِنا ما ح نِتْقَدِّمْ أبَداً
ولا ح نكون
زَي جدودنا
ملء السَمْع وملء العين
زَي القادِرْ يُعْبُرْ بينا
نِوْصَلْ للبَرْ المَأمون
...
آه لو كان الظُلْمْ البَيِّنْ
يِصْبَحْ هَيِّنْ
والناس يِتحَوِّلوا ؛ ظالمين !

[عيسى عدوي]

مانا شايف قدامي الظلم البين
اصبح هين ..
والناس بتموت على ارض بلادها
وتدفن بإيديها بقايا اولادها
ويطلع في الغربة
فصيح متمكن ..
مكتوب على وجهه
عميل ومعفن ..
ويصيح الظلم حرام ...
يهود اللي في أرضنا ايتام
وانتوا يا عيني بتحاربوهم
خدتو الأرض بتاعت ابوهم
وبنيتو الحد بوسط بيوتهم
وجيتوا تحاربوهم في عيشتهم
ولما ولادكم ..هجموا عليهم
دافعوا بشدة عن انفسهم
وتكبعل كم واحد منكم
في الأنفاق اللي حفرتوها
وربنا ع الظالم منكم ...
جايين بعد كده تشكوهم
مين الظالم والمظلوم ..
لازم دلوقتي تقوموا معايا
وتصالحوهم ..وتبوسوا أيديهم
وتعاهدوهم
تنسو اولادكم ..تنسوا بلادكم
وتزيلو الظلم البين
حتى اموركم ..
بعد سنين ..
ممكن تتحسن ..

[د. حورية البدري]

آه م الظُلْم البَيِّنْ
لَمَّا يكون في ضِعاف الناس مُتمَكِّن
ويكونوا هُمَّه القادرين يحضروا عَنَّا مؤتمرات المُؤتَمِرين !
..
أَمَّا الكَذَبَه مِن السافلين
بيحولوا يستلبوا حقوقنا
حتى تاريخنا
شجر الله في أراضي بلادنا
حتى الهَرَم الأَكْبَرْ
قالوا
كانوا عبيد عند الفرعون وبَنوه لِيه !!!
مع إن بناء الأهرام كان كعِبادَه عند عموم المصريين في ده الحين !!
...
مهما الظَلَمَه طَغوا في ضلامهم
إحنا بنور الله عايشين ..

**

دُمت بخير أخي الفاضل عيسى عدوي

ودام جميل التواصُل والإبداع

تحياتي