أسف بيروت

[محمد رمضان هدايه]

مفتتح
.......
لبنان
الحقد ما بيحبش طعم التفاح
ولا شجر الأرز اللى بيرقص
على حس صباح
ولا صوت فيروز
وف عز الفرحة بيضرب بوز
وبيقلب كل الفرح نواح
........................

قصيدة
.......
أسف بيروت
ما قدرتش أمد الإيد ليكى
الجوع كممنى وخلانى
كل التواريخ سقطت منى
أخواتى ف قلب جبال لبنان
القلب خلاص ما بقاش بيدق
وما تستنوش حتى استنكار
كل الأخبار بتقول عنكوا
شايف ابطالكوا وشهدائكوا
لكن وحياة اللى ما بينّا
لو كنت ح ادين
برضه ح ادينكوا
بشوية قمح ونص دولار
راح نقلب كل الحق ضلال
والطفل اللى اتحوّل أشلاء
راح اقول كان ماسك نووى وكان
على وسطه حزام
وف إيده صاروخ وعايزها دمار
بشوية قمح ونص دولار
راح أبيع الدم اللى ما بينّا
من غير مزادات
وح ابيع النيل
وجبل عرفات
منا لسه يادوب بايعك يا فرات
والأقصى اللى بينزف أحزان
أنا بايعه كمان
ورضيت بالزل تمن وبديل
إزاى بقى أحزن على قانا
ومزارع شبعا وأم جبيل؟!!
وإزاى راح اعيد أمجاد حطين؟
ما اقدرش اخلف من تانى
عمرو بن العاص وصلاح الدين
أخواتى ف قلب جبال لبنان
أنا ميت...
من سبعة وسبعين!!

[سعيد حامد شحاتة]

راح أبيع الدم اللى ما بينّا
من غير مزادات
وح ابيع النيل
وجبل عرفات
منا لسه يادوب بايعك يا فرات
والأقصى اللى بينزف أحزان
أنا بايعه كمان*****************
أ/ محمد رمضان هداية
الله عليك وعلى تعبيراتك
(ميت من سبعة وسبعين )
ايه الجمال دة القصيدة جميلة بكل المقاييس وسلبياتنا باينة قوى فيها وفى دواخلها وفى خفاياها وما تحمله من عبارات وتراكيب معبرة وقوية
الله عليك وعلى صورك وتشبيهاتك وخلفياتك التاريخية الواضحة فى القصيدة
القصيدة بين سطورها كلام كبير وكتير قوى
تقبل تحياتى ومودتى واحترامى
*************
مفتتح
.......
لبنان
الحقد ما بيحبش طعم التفاح
ولا شجر الأرز اللى بيرقص
على حس صباح
ولا صوت فيروز
وف عز الفرحة بيضرب بوز
وبيقلب كل الفرح نواح***************
مفتتح قوى جدا وتوظيف هايل لكل كلمة فيه
*************
وإزاى راح اعيد أمجاد حطين؟
ما اقدرش اخلف من تانى
عمرو بن العاص وصلاح الدين
أخواتى ف قلب جبال لبنان
أنا ميت...
من سبعة وسبعين!!****************
طلعت من العمل الفنى الجميل دة بطريقة عباقرة بمنتهى الأمانة
خاتمة تليق به

[وهدان البرغوثي]

الخير يبقى فيي في أمي = لا تعتب ع شاعر بيعلم في أمي
إن ماتت الأمم يبقى في امه = لبنان الشعب يا تاج العرب

بيروت الحرة بيروت = بقدرة الله منتصره
على الظالم فش سكوت = والله وعدها بنصره
الليطاني والوزاني = تحدو الجيش العدواني
واللي بساوي ع أوطاني = قطو عنقو بشفره
جبل عامل وبنت جبيل = هزمو جيشك اسرائيل
انّا نساوم مستحيل = الواحد منا بقتل عشره
عيترون ونبطية = الواحد فيها تحدى ميه
وبقدره رب البريه = للأمه زفينا البشرى
الله بعاقب في شارون = هالملعون ابن الملعون
رح تهوم منا يا صهيون = روح ودرو ع كسرى
اسمع مني يا رمضان = اثبتنا جداره في لبنان
في الأوزاعي وفي الفردان = الفارس راكب عالمهره

\\ وهدان البرغوثي \\
\\ أحييك رمضان على قصيدتك الهادفة \\