وصف ألوان العلم الفلسطيني "زجل"

[وهدان البرغوثي]

بيت عتابا

بقول أنا ابن الوطن وثوب مهري = كرمال الوطن جهزت مُهري
فلسطين بتنتخي بتقول مَهري = البطولة والتضحية ودم الشباب

ان متت يما لفيني = بأربع ألوان
بالعلم الفلسطيني = أحلى الأكفان
لفي لابـــنــــك لفي = بعلم ل قماش
علمتيلو عل الإلفة = ما هو غشاش
ثائر نازل ع ضفة = حامل رشاش
حق الموطن تيوفي = بصدق وإيمان

***يما ان متت لفيني***

لفيني بلون الأحمر = بلون الـدم
ثائر بزند الأسمر = بشـيل الهم
بيوم العركة مَتـْ أخر = لثورة انضم
حزاموع الخصر اتفجر = أشعل بركان

***يما ان متت لفيني***

لفيني بلون الأسـود = مـوش للحداد
ابنك ع الحرب اتعـود = ذاهب للجهاد
اشهد يا ربي اشـهد = ما بخلف ميعاد
بدنا يرجع المبعد = على الأوطان

***يما ان متت لفيني***

بالأبيض يما لفيني = ابلون الثناء
وسط الحارة زفيني = وغني الغناء
اوعي يما تنعيني = بدمع و بكاء
بجنة الله تلاقيني = بجنة رضوان

***يما ان متت لفيني***

لفيني بلون الأخضر = لون الربيع
لا تبني قبري مرمر = والمجد يضيع
ابني بُكرا بكبر = بحمي الجميع
من أعداءك بثأر = مجدك مُنصَان

[عيسى عدوي]

صح لسانك يا ابا زهير ...
ربنا يعطيك الصحة والعافية ...
ويزيدك من نعيمه كمان وكمان ..
.نعم الشعر والشاعر والشعار

مع صادق المودة
أخوك ابو تامر

[وهدان البرغوثي]

إذا بتؤمرني يا عيسى بكون تامر = يكفيني بهالمنتدى ع شعر تـَ مر
شكراً الك يا بي تامر = على متابعة زجلنا والعتاب

وهدان البرغوثي