صرخة أم .... إسراء عبد الفتاح .... رحمتك يا رب

[هبه محمد السعيد]

ده يرضي مين حرق القلوب على الضنا ..... ده يرضي مين... ؟
ده يرضي مين يا نـــــار و آيده في قلبنا ..... ده يرضي مين... ؟
و فــاضل إيــــه بعد الضنــا ؟ ده عرضنـــا ..... ده يرضي مين... ؟
طب ريحوني بنتي عايشه؟ولا فرحمة ربنا.. يا مـؤمـنـيــــن... ؟
أنا عايـــــزه بنتي .. تاخدوها ليه بذنبي أنا؟ ...البت فيــــن... ؟


الذنب ذنبي ... الجــُــرم جــُرمي ....أنا و أبوها الغلطانين

أنا إللي ربيتها غلط !!!


أنا إللي قلت لها إن صــــوت الـحــق مـــــش لازم يـــخـــــــاف
أنا إللي قلت لها بإيــدنــا هــتـنتـهي سنــينـــنا العـُــجـــــــاف
أنا إللي قلت لها البــشــر لمــا تلَمـلِمـهـم عصى يبقوا خـِراف
أنا إللي قلت لها ده عارنا إن البلد جاعت ومش لاقيه الكفاف
أنا إللي فلت لها الكرامه ... عمرهــــا ما توجت روس الضعاف


طيب هاتوها
إرحموها ورجعوها
إتقرصنا خلاص فهمنا
درسنا طال حته منا
و إن عـُدتوا مره ... تشوفوا ضل البت بره ...
عن بيت أبوها ...
إبقوا خدوها
بس إرحموني و إرحموها


كيبورد بنتي خاف و إنكسر .. وقعت خــلاص مِـنــه الحــروف
و آدي قلمها إللي كتب فِهـِمْ العتب .. أصـبــح يتيـم مقصوف
وصوت بناتنا إن كان عـِلا .. راح نكتمه.. راح ينخرس بالخوف

إن عـُدتوا مره تسمعوا صوتها يقول للفقر لأ
إبقوا إقتلوها
إن عُــدتوا مره تــحِـسوا إنهــا هتقول يا حق
إبقوا إحرقوها

بس إرحموني دي سابقه أولى و إرحموها
و ريـــحوا عينيا بشوفتــهـــا و رجعوهــــا


و إعذروني

مكنتش أعرف إن الشمس بعيد كده .. خــــلاص عـــرفت بإنهــــا فـِــعلاً بعيد
و إنه وراهــــا برااح و ِ ســـايع كــل ده .. وبراحها لسه بيانه أن (هل من مزيد)
و إنه إللي راح وراهـــا ما يفيده الندا .. أصـله إللي راح وراهــا مـِتلجم حديد


آآآآآآآه يا بشر..ممكن سـؤال مـن فضلكم؟
ومـاتخـافوش .. سؤالـــي مـش هَيهـِزُكُم
هــكتــم صراخــي مــش هيــجـرح ودنكم
همسح دمــوعي مـــش هـتـنزل عندكم
بس إسمحولي أنا برضه أم ....زي أمكم
و إللي فـ قلبي لو حسيتـــوه كان هدكم
أنا حـــاسه ليــــه إني غريـبه فـ وسطكم؟
لا كـأني مـِنكـم .. و لا إن بنتــي تخصكم؟
يعني عشـــان بنــاتكو نــايمه فـ حضنكم؟
إســــــراء تهــــون ؟ وهي تايهه فـ همكم؟
طب تعرفوا؟
ساعات بحس إن إنتو صح فـ صمتكم
بلاش جنان .. خلوا بناتكو فـ حضنكم



أنا بنتي رااااحت ... شكلها فـ حته بــعيـــده
ونـــاري مش راح تنطفي بكارثـــه جــديــــده
خلوا بناتكوا فـ حضنكوا ... آمنـــه .. سعيــده
وسيبولي حسرة قلبي على بنتي الوحيده
آه ياناري...حسرة قلبي على بنتي الوحيده

[عيسى عدوي]

الأخت الكريمة الشاعرة هبة محمد السعيد حماها ىالله
أهلا وسهلا بك في منتدى الشعر العامي والنبطي وفي اقلام العزيزة

قصيدة جميلة ....اقل ما يقال فيها أنه رائعة لأنها صادقة ....

أنا إللي قلت لها إن صــــوت الـحــق مـــــش لازم يـــخـــــــاف
أنا إللي قلت لها بإيــدنــا هــتـنتـهي سنــينـــنا العـُــجـــــــاف
أنا إللي قلت لها البــشــر لمــا تلَمـلِمـهـم عصى يبقوا خـِراف
أنا إللي قلت لها ده عارنا إن البلد جاعت ومش لاقيه الكفاف
أنا إللي فلت لها الكرامه ... عمرهــــا ما توجت روس الضعاف

ونعم التريبة .....!!!
تحيتي لك ولشعرك ...ولصرختك ...

[وهدان البرغوثي]

الوضع الموجود لا يرضي أحداً
فعلاً كلام صحيح

وإذا كنت حابي تتسألي فمش راح تخلصي

وهدان البرغوثي

[هبه محمد السعيد]

أخي الفاضل عيسى عدوي

مرورك يسعدني

و إستحسانك يـُعلي قدري

أشكرك لأنك هنا

تحياتي

[هبه محمد السعيد]

الأخ الفاضل وهدان البرغوثي

أشكر لك تواصلك

و رُقي تواجدك

تحياتي

[سعيد حامد شحاتة]

مكنتش أعرف إن الشمس بعيد كده .. خــــلاص عـــرفت بإنهــــا فـِــعلاً بعيد
و إنه وراهــــا برااح و ِ ســـايع كــل ده .. وبراحها لسه بيانه أن (هل من مزيد)
و إنه إللي راح وراهـــا ما يفيده الندا .. أصـله إللي راح وراهــا مـِتلجم حديد

**************************
**************************
جميلة القصيدة والله
****************************
****************************
اسراء عبد الفتاح
فين يا حكومة مصر ؟؟؟؟؟؟؟؟؟؟؟؟؟؟
وليــــــــــــــــــــــه ؟
وهو الكلام فى الحقيقة فايدنا
وضارركم فى ايه
ما كل المسائل ماهياش تمام
وكل البهايم بترقص باليه
وعش الحرامى صبح قصر بيه
ولو حد قال كلمة حرة ف بلدنا
ف من يوم ورايح
هتطلع عنيه
*********
******
(( مطالعة ))
-----
يا تاريخ الطيّبين فى غيطان بلدنا
الزراعة الفالحة طالعة
يا علم مرسوم على جتّة ولادنا
الرايات ع الضفّة والعة
يا غناوى التورتة فوق تواريخ ميلادنا
كلنا ساقطين مطالعة

[سعيد حامد شحاتة]

قصيدتك آهه من ضمن الآهات يا هبه
جميلة ومؤلمة

[عبير هاشم]

الكاتبة الكريمة هبة لقد أذهلتنا جدا القصيدة كانت كصرخة مدوية تصفع كل إنسان خالٍ من الضمير وودت لو تم نشرها على جميع المواقع فيها الالم والحكــمة والجمال دام قلمك ........ تحياتي

[صهيب الجماعيني]

قصيده جميله صادقه من قلم اجمل اصدق
تقبلي مروري

[هبه محمد السعيد]

أخي الفاضل سعيد حامد

المشاركة الأصلية كتبت بواسطة سعيد حامد شحاتة

اسراء عبد الفتاح
فين يا حكومة مصر ؟؟؟؟؟؟؟؟؟؟؟؟؟؟
وليــــــــــــــــــــــه ؟
وهو الكلام فى الحقيقة فايدنا
وضارركم فى ايه
ما كل المسائل ماهياش تمام
وكل البهايم بترقص باليه
وعش الحرامى صبح قصر بيه
ولو حد قال كلمة حرة ف بلدنا
ف من يوم ورايح
هتطلع عنيه
*********
******


(( مطالعة ))
-----
يا تاريخ الطيّبين فى غيطان بلدنا
الزراعة الفالحة طالعة
يا علم مرسوم على جتّة ولادنا
الرايات ع الضفّة والعة
يا غناوى التورتة فوق تواريخ ميلادنا

كلنا ساقطين مطالعة

ســـلـــمـــت يـــمــــيــــنــــك
أشكر لك تواجدك الراقي
دمت بخير

[هبه محمد السعيد]

أختي الفاضله عبير هاشم

أسعدني مرورك كثيراً

و سرني إستحسانك لكلماتي المتواضعه

أتمنى الثبات عند حسن تذوقك

شكراً لأنك ِ كنت ِ هنا

و دمت ِ بود

[هبه محمد السعيد]

المشاركة الأصلية كتبت بواسطة صهيب الجماعيني

قصيده جميله صادقه

من قلم اجمل اصدق

تقبلي مروري

أخي الكريم صهيب

أسعدني مرورك

و سرني إستحسانك

تقبل تحياتي